Nga Anxhela Ferra
Ndonëse në ditët e fundit në Shqipëri janë regjistruar raste të larta të të prekurve me COVID-19, zëvendësministrja e Shëndetësisë dhe njëkohësisht kryetarja e Komitetit të Ekspertëve, Mira Rakacolli u shpreh se situata është nën kontroll dhe se nuk do të ketë rikthim të izolimit. Përkundër paralajmërimit të kryeministrit Rama disa ditë më parë. Por, botuesi i njohur Alfred Cako akuzon qeverinë se është duke mashtruar me shifrat.
“Këta duan të na çojnë te vaksina e Bill Gates me detyrim. Dhe qeveria jonë me këtë dyshen, Rama-Manastirliu e me disa shërbëtor si Pipero përpiqen të shkaktojnë hipokondri. Që është frika nga sëmundja që nuk ekziston në këto përmasa sa këta e pasqyrojnë. Sepse shoqëria e ka fituar tashmë imunitetin ndaj koronavirusit. Shifrat që japin janë gënjeshtra, pasi i marrin udhëzimet nga grupi i Bill Gates dhe Soros-it.
Sigurisht që kjo nuk është një pandemi, por bëhet fjalë për plandemi. Kjo e fundit organizohet nga një grup komplotistësh ndërkombëtarë, të cilët kanë vënë në dorë qeveritë e shumë vendeve të botës. Për të mbajtur njerëzit në terror, e më pas të arrijnë qëllimin final që është vaksina.
Dhe qeveria jonë e Rama janë shumë të lidhur me këtë grupin drejtues, Gates dhe Soros. E nëse ata i thonë Ramës, vriti të gjithë shqiptarët për interesat e tyre, e nëse Rama do e kishte këtë mundësi do ta bënte me lehtësinë më të madhe. Sepse ka hyrë kokë e këmbë në vëllazëritë e tyre të zeza.”
Sipas Cakos, thuajse e gjithë klasa politike është e përfshirë në këtë skemë, ku sipas tij kërkojnë të bëjnë me detyrim vaksinimin e popullsisë, duke kaluar ligje që ta imponojnë.
“Janë të gjithë ata që kanë qenë pjesë e fondacionit të Soros. Është Andi Dobrushi, Lëvizja Mjaft, të gjithë ata janë militantë shumë të rrezikshëm për shoqërinë. është Milva Ikonomi, Linda Rama, Arben Ahmetaj e shumë të tjerë që janë sponsorizuar.
Një marionetë e Soros është edhe Lulzim Basha, i cili ka treguar gjunjëzim. Meta nuk ka reaguar fare, i cili para disa kohësh gjoja doli kundër deep state. Por, shkon edhe bën poza idiote, që ndoshta ose nuk ua di kuptimin atij deep state që aq kohë doli dhe e anatemoj. E ndjejnë veten të kërcënuar prej Soros dhe drejtësisë që ata po mundohen ta vënë nëpër kthetra. Pasi duan që të kërcënojnë çdo politikanë në Shqipëri.
Mënyra se si do të na detyrojnë ta bëjmë vaksinën nuk do të jetë me polici. Përkundrazi, njerëzit do të shkojnë vetë që ta bëjnë. Edhe çiftet nuk do të lidhen seriozisht për të krijuar familje, nëse njëri nuk ka bërë vaksinën.
Pensionistëve nuk do i japin pensionet nëse nuk e bëjnë vaksinën, fëmijët nuk do të lejohen në shkolla. Do të nxjerrin me ligj që të mos ketë asnjë të punësuar që nuk ka bërë vaksinën.”
Ndër të tjera Cako paralajmëron vijimin e protestave kundër kësaj gjëje.
“Për këto arsye duhet t’i ndalojmë dhe të mblidhemi të gjithë. E t’i themi Ramës që dy alternativa ka, ose të heqë dorë nga kjo; ose t’ia mbathë nga Shqipëria. Ai po e merr me të lehtë se deri tani e ka nënvlerësuar popullin dhe mendon se jemi dele.
Por, do ta shohë se çfarë do t’i ndodhë në vijim nëse ecën me këtë linjë. Të gjithë këta do të ikin me turp të madh nga historia, që janë kthyer shërbëtor të një kauze kaq të neveritshme. Dhe një ditë kanë për ta paguar të gjithë për genocid.”/ TIRANA TODAY
