E shtunë, 12 Qershor, 2021
27.5 C
Tirana

Speciale/ Nesër nis Euro 2020, ja gjithçka që duhet të dini

Struktura e turneut Euro 2020?

Lista e 24 kombëtareve është ndarë në gjashtë grupe dhe faza e grupeve zhvillohet nga 11 derinë 23 qershor. Dy ekipet më të mira në secilin grup, plus katër nga gjashtë vendet e 3-ta më të mira, kalojnë në raundin e 1/8-ave që fillon më 26 qershor. Pastaj, vijon formati i nokautit deri në finalen e 11 korrikut.

Të gjashtë grupet janë (Klikoni grupin për detaje):

Grupi A: Italia, Zvicra, Turqia dhe Uellsi

Grupi B: Belgjika, Danimarka, Finlanda dhe Rusia

Grupi C: Austria, Hollanda, Maqedonia e Veriut dhe Ukraina

Grupi D: Kroacia, Republika Çeke, Anglia dhe Skocia

Grupi E: Polonia, Sllovakia, Suedia dhe Spanja

Grupi F: Franca, Gjermania, Hungaria dhe Portugalia

Ku zhvillohet turneu?

Ndryshe nga Kampionatet Evropianë të mëparshëm që zhvillohen në një ose dy shtete, Euro 2020 është një ngjarje pan-Europiane, me ndeshje që zhvillohen në 11 qytete në 11 vende të ndryshme.

Disa qytete do të organizojnë ndeshje në secilin prej grupeve të raundit të parë, duke u dhënë përparim disa kombeve që luajnë në në shtëpi. Qytetet ku do të luhet faza e grupeve janë: Roma dhe Baku (grupi A), Shën Petersburgu dhe Kopenhageni (grupi B), Amsterdami dhe Bukureshti (grupi C), Londra dhe Glasgou (grupi D), Sevilja dhe Shën Petersburgu (grupi E )) dhe Mynihu dhe Budapesti (grupi E).

Ndeshjet e fazës së 1/8-ave do të ndahen midis Amsterdamit, Bukureshtit, Budapestit, Kopenhagenit, Glasgout, Londrës (dy ndeshje) dhe Seviljes. Çerekfinalet do të luhen në Baku, Mynih, Romë dhe Shën Petersburg. Stadiumi Uembli i Londrës do të presë si gjysmëfinalet ashtu edhe finalen.

A do të ketë tifozët në stadiume?

Po! Secili nga 11 qytetet pritëse do të presë tifozë brenda stadiumit për ndeshjet e kësaj vere.

Dhjetë qytete synojnë të arrijnë kapacitet prej 22 deri 50 përqind të stadiumit, ndërsa Budapesti synon të ketë kapacitet 100 përqind (me kërkesa të rrepta për hyrjen në stadium).

Këto shifra mund të ndryshojnë me kalimin e kohës, por në çdo rast, ndeshjet do të luhen me tifozë në Euro 2020.

Pse quhet ende Euro 2020 edhe pse jemi në vitin 2021?

Prillin e kaluar, Komiteti Ekzekutiv i UEFA-s, organi drejtues i futbollit Evropian, vendosi që turneu të ruajë ende emrin “UEFA Euro 2020”.

Në marrjen e vendimit të saj, UEFA tha se “do të shërbejë si një kujtesë se si e gjithë familja e futbollit u bashkua për t’iu përgjigjur rrethanave të jashtëzakonshme të pandemisë COVID-19 dhe kohërave të vështira që Europa dhe bota u është dashur të kalojnë.

Cilët janë favoritët në Euro 2020?

Franca, kampione e botës në fuqi, hyn në Euro 2020 si favorite. Trajneri Didier Deschamps ka një numër opsionesh cilësore në çdo pozicion dhe ‘Les Bleus’ kanë një grup të tillë që të mund të fusin dy skuadra në këtë turne.

Pas një gjysmëfinale në Kupën e Botës 2018, Anglia mund të bëjë më mirë dhe të fitojë kampionatin e saj të parë Europian këtë verë. Menaxheri Gareth Southgate ka një grup lojtarësh sulmues që i kanë zili shumica e ekipeve të tjera në Euro 2020. Sulmi i rrezikshëm i Anglisë përfshin Harry Kane, Raheem Sterling dhe Marcus Rashford, dhe Tre Luanët kanë gjithashtu të gatshëm Phil Foden, Jadon Sancho dhe Jack Grealish.

Kombëtaret e tjera për t’u vëzhguar janë Belgjika (Nr. 1 në renditjen aktuale të FIFA-s), kampionët në fuqi të Evropës, Portugalia, Gjermania (si Franca, ata kanë grup të fortë lojtarësh dhe cilësi të madhe) dhe ekipi italian që po luan futboll dinamik nën drejtimin e Roberto Mançinit.

Kush mund të jetë surpriza?

Për të mos u neglizhuar është Turqia, e cila ka pësuar vetëm tre gola dhe ka përfunduar e barabartë me Belgjikën në numrin e golave të pësuar në kualifikime. Ata kanë regjistruar 8 ndeshje pa pësuar gol në 10 ndeshje gjithsej, duke përfshirë një fitore në shtëpi kundër Francës. Şenol Güneş është një trajner me përvojë që e çoi Turqinë në vendin e tretë në Kupën e Botës 2002. A do të jetë ai në gjendje të bëjë një surprizë tjetër këtë verë? Mbetet për t’u ndjekur.

Lexo edhe :   Hapja e EURO 2020/ Sky Sport zgjedh këngëtarin shqiptar, Ermal Meta

Ka skuadra për herë të parë në një kampionat europian?

Finlanda vjen në kompeticionin e saj të parë ndërkombëtar: vendi nordik nuk është kualifikuar kurrë më parë për një Kupë Bote ose Kampionat Europian. Sulmuesi veteran Teemu Pukki shënoi 10 gola në kualifikuese për finlandezët, të cilët lanë pas Greqinë për të arritur në vendin e dytë në Grupin J duke prenotuar  një vend në turne.

Një tjetër rishtar është Maqedonia e Veriut, e cila u kualifikua në Euro 2020 përmes playoff-it, duke mposhtur Kosovën dhe Gjeorgjinë për të rezervuar vendin e saj në një turne madhor ndërkombëtar për herë të parë në historinë e vet.

Lexo edhe :   Hapja e EURO 2020/ Sky Sport zgjedh këngëtarin shqiptar, Ermal Meta

A ka ndonjë grup ferri?

Shumica e gjashtë grupeve janë të ekuilibruar dhe duhet të jenë konkurrues. Por Grupi F duhet të konsiderohet grupi më i vështirë, pasi përfshin Francën, Gjermaninë dhe Portugalinë – këto skuadra kanë fituar së bashku dy Kupat e fundit të Botës dhe Euro 2016 – si dhe Hungaria, një kombëtare që po përjeton një rilindje.

Me të gjitha ndeshjet e fazës së grupeve që zhvillohen në Mynih dhe Budapest, Gjermania dhe Hungaria kanë një epërsi të madhe, por do të ishte budallallëk të nënvlerësohej Franca pasi janë kampionë të Kupës së Botës në fund të fundit, apo dhe Portugalia me Kristiano Ronaldo.

Cilët janë lojtarët më të mirë të Europianit këtë vit?

Francezi Kylian Mbappé ishte një adoleshent kur mori Kupën e Botës 2018, duke shënuar katër gola gjatë turneut për të fituar çmimin si lojtari i ri më i mirë i kampionatit. Tani 22 vjeç, sulmuesi i Paris Saint-Germain-it është gati të drejtojë ‘Les Bleus’ për në titullin e tij të tretë Europian.

Portugezi Kristiano Ronaldo gjithmonë duket se jep më të mirën për vendin e tij në skenën ndërkombëtare. Gjermani Gnabry shënoi tetë gola në vetëm shtatë paraqitje kualifikuese. Polaku Robert Levandovski është një nga sulmuesit më të mirë në botë për momentin, ndërsa golashënuesit e tjerë belgu Romelu Lukaku dhe anglezi Harry Kane vijnë nga sezone të mira për klubet e tyre, Interin dhe Totenhemin.

Kush mund të jetë një lojtari surprizë?

Ka shumë për të zgjedhur, por dy lojtarë që do të duhej t’i mbani me vëmendje janë anglezët Phil Foden dhe italiani Manuel Locatelli.

Vetëm 21 vjeç, Foden ishte titullar kyç për një skuadër si Mançester Siti që fitoi Premier Ligën dhe arriti në finalen e UEFA Champions League këtë sezon. Foden ka vetëm gjashtë paraqitje dhe nuk ka luajtur në një turne të madh ndërkombëtar, por është një nga mesfushorët me tipare sulmuese më të mirë në botë tani për tani.

Locatelli, 23, është një mesfushor që nuk bie shumë në sy sepse luan për një ekip modest si Sasuolo. Por ai është krahasuar me një ish-mjeshtër të madh të mesfushës italiane si Andrea Pirlo, pasi është elegant në posedimin e topit dhe një krijues i talentuar dhe i aftë.

A ka ndonjë gjë tjetër që duhet ditur?

Ekzistojnë disa ndryshime rregullash për Euro 2020-ën, disa prej të cilave ju tashmë i njihni.

Skuadrave u lejohet maksimumi pesë zëvendësime në ndeshje, me një të gjashtë të lejuar vetëm nëse shkohet me shtesa. Sidoqoftë, trajnerët kanë vetëm tre momente gjatë një ndeshjeje për të bërë zëvendësime (përveç kohës shtesë), duke përjashtuar zëvendësimet e bëra në pjesën e parë, në fillim dhe gjatë pushimit midis dy pjesëve.

Numri i lojtarëve të grumbulluar është rritur në 26 lojtarë, krahasuar me 23 që ka qenë zakonisht. Megjithatë, ekipet mund të nominojnë vetëm një maksimum prej 23 lojtarësh për t’i marrë me vete në një ndeshje. /TIRANA TODAY

- Reklama -

Më shumë nga kategoria




Të fundit

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...