E shtunë, 16 Janar, 2021
1 C
Tirana

“Rama manipulon ndërkombëtarët”, ish-deputeti socialist: Lleshajn e shpëton vetëm burgu

Drejtori i Përgjithshëm për Fqinjësi dhe Zgjerim në Bashkimin Evropian, Christian Danielsson është takuar sot me kryeministrin Edi Rama dhe kryedemokratin Lulzim Basha. Ashtu si delegacioni i Parlamentit Evropian disa ditë më parë, edhe ai foli me nota kritikuese ndaj veprimeve të opozitës dhe se bien ndesh me rrugën e integrimit drejt BE.

Ndërkohë Basha u shpreh sërish i vendosur për vazhdimit e këtij aksioni. Duke thënë se e konsiderojnë regjimin e Edi Ramës të mbaruar, një kufomë që pret të kallet. Partia Socialiste thotë se protestat nuk janë të popullit, por të organizuara nga opozita dhe se ata nuk do të dorëzojnë pushtet në tavolinë.

Në një intervistë për Tirana Today, ish-deputeti socialist njëherazi  anëtar i Këshillit Kombëtar të Partisë Demokratike, Kastriot Islami, shprehet se përgjegjësi kryesor për këtë situatë është Rama.

“Gjërat kanë shkuar në një ekstrem të paimagjinueshëm. Opozita jonë nuk ka më asnjë rol në Parlamentin Shqiptar për sa i përket vendimmarrjes. Edhe fjalën parlament mazhoranca e ka diktuar ose fol siç duam ne, ose ndryshe ju do të hani dajak në Parlament. Të gjitha ato kanë ndodhur pikërisht të orkestruara nga vetë Rama.

Opozita ka qenë e detyruar të shkojë në një veprim që është in-ekstremis, nuk është dëshira e saj të shkojë në të tilla veprime. Por, nuk ka asnjë lloj mënyre tjetër.

Tani nuk kemi më dy palë në një krizë politike, por kemi mazhorancën përballë popullit. Dhe kriza është thelluar pikërisht këtu. E vetmja zgjidhje është të shkohet në zgjedhje të parakohshme. Dhe për të pasur zgjedhje të lira e të ndershme, e vetmja mënyrë është që ato të çlirohen nga korrupsioni, krimi dhe kërcënimet te votuesit. Ndaj dhe përgjegjësi i vetëm dhe kryesor për këto gjëra është Edi Rama.”

Ndër të tjera, Islami thotë se ministri i Brendshëm Sandër Lleshaj duhet të hetohet për lëndët e hedhura drejt protestuesve.

“Unë kam qenë dhe do të jem gjithmonë pjesë e protestave. Sa i takon mbrojtjes nga ana e policëve aty nuk përdoret thjesht gaz-lotsjellës, por ishte një gaz neuroparalizues. Në përgjithësi këto janë lëndë helmuese që dikur janë përdorur në luftë, pra nga ushtritë. Kurse tani kanë filluar të përdoren nga policia në rastin e protestave masive. Fati i keq është që ministri i Brendshëm ka një formim ushtarak dhe ai ato lëndë helmuese që përdoren kundër armiqve, i përdor kundër qytetarëve. Unë mendoj që ai duhet të mbajë përgjegjësi dhe e vetmja gjë që mund ta shpëtonte atë njeri do të ishte burgu.”

Lexo edhe :   Zgjedhjet/ Shehi: Basha ka shanse ndaj Ramës, Berisha të mos ndërhyjë

Ndërkohë që Partia Socialiste i lidh veprimet e ndërmarra nga opozita me frikën nga drejtësia, Islami thotë për Tirana Today se ky është një mashtrim idiot i kryeministrit. Për shkak se tashmë që opozita është pa mandate, mund të hetohet lehtësisht nga SPAK. Ish-ministri i Jashtëm shton se këto janë gënjeshtra të ngritura për të manipuluar ndërkombëtarët.

Lexo edhe :   Basha-Ramës: Asgjë nuk i mbulon dot dështimet e Tires së qeverisë

“Është kërkuar që të largohet Rama, të krijohet një qeveri transitore dhe kjo qeveri jo të sjellë PD-në ose opozitën në pushtet. Por, të organizojë zgjedhje të lira dhe të ndershme. E të jenë qytetarët ata të cilët do të vendosin nëpërmjet këtyre zgjedhjeve. Kjo është një tezë e Ramës që kërkon t’ia shesë ndërkombëtarëve që opozita më kërkon pushtetin në tavolinë. Absolutisht që nuk është e vërtetë.

Pretendimin që opozita ka frikë nga SPAK-u nuk e ha absolutisht askush. Sepse opozita nuk ka asnjë rol për ta penguar më krijimin e SPAK-ut. Dhe aq më tepër sot opozita edhe sikur të ketë frikë, që nuk ka, praktikisht është pa mandate. Njerëzit pa mandat mund të kapen shumë lehtë nga SPAK-u dhe nga BKH-ja. Kështu që të gjitha këto janë pjesë e një mashtrimi dhe gënjeshtre idiote të Ramës që kërkon të manipulojë opinionin ndërkombëtar.”/ TIRANA TODAY

- Reklama -

Më shumë nga kategoria




Të fundit

Fitore madhështore në derbi, Lacio nënshtron Romën (Video)

Lacio e Simone Inzagit, arriti një fitore madhështore me rezultatin 3-0 në derbin e kryeqytetit përballë Romës.  Të kaltërit e dominuan takimin, duke vendosur...

”Është si Skëndërbe”/ Spiropali: Rama, i vetmi njeri që di të bëjë qytete

Ministrja për Marrëdhëniet me Parlamentin, Elisa Spiropali tha mbrëmjen e sotme në studion e emisionit ''Bardh A Zi'' në ''ABC'', se kryeministri Edi Rama...

Norvegji, 23 persona humbin jetën pasi injektuan vaksinën e Pfizer

23 persona kanë humbur jetën në Norvegji pasi janë injektuar me vaksinën kundër koronavirusit të kompanisë amerikane Pfizer. 13 prej viktimave ishin të moshuar...

Trump largohet nga Uashingtoni ditën e inaugurimit të Biden-it

Presidenti Donald Trump do të largohet nga Uashingtoni të mërkurën në mëngjes, pak përpara inaugurimit të Presidentit të zgjedhur Joe Biden, për të filluar...

Pronat në jug/ Lame: Meritojmë medalje, bëmë një hartë se nuk ka pasur

Kreu i Kadastrës, Artan Lame ka folur lidhur me pronat e minoritarëve grekë në jug të vendit. Përballë kreut të OMONIA-s, Fredi Belerit, Lame u...