Valon Behrami është rikthyer sërish në kryeqendër të mediave italiane. Më parë ky futbollist do të kthehej shpeshherë në temën kryesore, pasi krijonte shumë polemika.
Dashuri dhe urrejtje, mesfushori 33-vjeçar asnjëherë nuk ka mundur të mbaj të mesmen e artë në karrierën e tij. Në gjithë trupin është i mbuluar nga tatuazhet, ndërsa mes tyre shihet edhe shqiponja. Ndërsa së fundmi në një intervistë për mediat italiane, Behrami ka folur më konkretisht edhe në lidhje me një tatuazh që ka në lidhje me nisjen e luftës së Kosovës.
“Atje është një urë, ku filloi lufta në Kosovë, ura e re dhe ajo e vjetër, me flamurin që ne kishim para luftës. Më përfaqëson mua, duke e ditur gjithmonë se ku e kam nisur. Më bën mua gjithmonë të mendojë, është fuqia ime. Unë kam pasur shumë dëmtime në karrierën time, në shumë raste kur duhej të ndalesha, por kam gjetur fuqinë sërish për të vazhduar. Unë ika nga Kosova kur isha 5-vjeç, prindër vuajtën shumë dhe kjo përvojë më dha mentalitetin”, u shpreh Behrami.
