Kreu i qeverisë Edi Rama, ka kujtuar viktimat e tërmetit që shkundi vendin një vit më parë. Me anë të një videomesazhi, Rama inkurajon duke thënë se ‘më e keqja është pas krahëve, dhe më e mira është e gjitha përpara nesh’.
“Shoh përpara Edisonin, një ish-deputet që kërkonte motrën bashkë me fëmijët. Kisha një frikë, vetmia një ndjenjë si të dilnim nga kjo situatë katastrofike. Kanë qenë ditët më të çmendura dhe të vështira të jetës sime nuk mbaja mend datat, kujtoj turmat e njerëzve që dilnin jashtë dhe dikush që po vjen sërish tërmeti. Ankthi ishte se sa kampe do të ngrija unë. Ju jam mirënjohës të gjithë atyre që më ndihmuan, në radhë të parë pronarëve të hoteleve, atyre që na erdhën të na ndihmojnë në kërkim-shpëtimet nuk e besoja që kishte aq shumë miq Shqipëria.
Pastaj konferenca e madhe e Brukselit. Jemi endur sa andej këtej në Thumanë, Laç Durrës, Tiranë etj, po fatmirësisht arritëm që të mblidhnim mbi një miliardë në Bruksel dhe ishte një krenari shumë e madhe. Ishte e mrekullueshme që të gjithë shqiptarët kudo ishim u bëmë bashkë dhe më e keqja kaloi. Çdo krizë është një mundësi, e dija se këtë fatkeqësi duhet ta shndërroja në një fillim të mbarë, për të dalë më të fortë. Tashmë njerëzit kanë filluar që të kthehen në banesat e tyre dhe po ashtu janë ndërtuar shkollat dhe mësuesit dhe nxënësit kanë mundësi më të mira”, është shprehur Rama.
Një vit më parë, vendi ynë u trondit nga një tërmet i fuqishëm, i cili shkaktoi një tragjedi të vërtetë. 51 persona humbën jetën, ndërsa shumë ndërtesa u shkatërruan. Dy zonat më të prekura dhe me më shumë viktima kanë qenë Durrësi dhe Thumana.
Statusi
I paharruar kujtimi i viktimave të tragjedisë së një viti më parë
Më e keqja është pas krahëve dhe më e mira është e gjitha përpara nesh
