E martë, 21 Shtator, 2021
15.5 C
Tirana

Nga përjashtimi i Hajdarit te protesta e 16 marsit, Shehu zbulon planet e opozitës

Prej disa ditësh opozita është duke zhvilluar takime nëpër qytete të Shqipërisë, për të mbledhur qytetarët në protestën e 16 marsit. Ndërkohë që ende nuk bëhet e ditur strategjia që do të ndjekë opozita, ish-deputeti Tritan Shehu në një intervistë për Tiranë Today thotë se do të jetë protesta më e madhe e zhvilluar ndonjëherë. Duke mos përjashtuar mundësinë e tensioneve.

“Padyshim që kjo do të jetë një protestë e madhe, shumë e madhe. Më e madhja që ka pasur Shqipëria në luftën dhe përpjekjet e saj për demokraci. Do të jetë një protestë që do të demonstrojë vullnetin e popullit për ndryshime. Unë thashë që do të jetë një protestë e madhe për të shprehur shpirtin e popullit kundër padrejtësive që janë bërë.”

Shehu shton se veç protestave, opozita duhet të përqendrohet edhe në transmetimin e mesazheve të këtij aksioni politik edhe te ndërkombëtarët. Edhe pse këta të fundit e kanë shprehur hapur që nuk e mbështesin vendimin e opozitës për të dorëzuar mandatet.

“Ne ishim shumë të vetëdijshëm që nuk do të kishim duartrokitjen e partnerëve tanë ndërkombëtarë. Duke i respektuar ata shumë dhe duke ia pasur nevojën, na lind nevoja neve që të jemi shumë shpjegues me ta.

Por, nga ana tjetër unë mendoj që një sqarim shumë i gjerë dhe i plotë, do t’ia japin pjesëmarrja e gjerë popullore në këtë lëvizje.”

Ish-deputeti në intervistën për Tirana Today foli edhe për vendimin e deputetes Rudina Hajdari për të mos dorëzuar mandatin, si edhe për përjashtimin e saj nga Partia Demokratike.

“Unë mendoj që qëndrimi i disa kolegëve apo dëshirat për të qëndruar në Parlament, mbas një vendimi unanim që kanë marrë anëtarët e PD-së është një gjë e gabuar. Por, jo vetëm kjo edhe marrja e mandateve nga disa kolegë të tjerë të listave pasuese.

Shpresoj që në ditët në vijim edhe ata do ta kuptojnë këtë gjë, do të bëjnë hapa pas dhe padyshim do t’i bashkohen vendimit tonë për këtë aksion politik kaq të rëndësishëm. Në politikë dhe mund të gabosh disa herë, por çdo individ i korrigjon duke bërë hapa mbrapa.”

Lexo edhe :   Pika vaksinimi në Universitete/Rama thirrje studentëve: Vaksinimi i detyrueshëm

Teksa kryeministri Rama u shpreh se nuk do të largohet nga posti “sikur nami të mbahet” dhe se zgjedhjet do të mbahen në 2021, Shehu thotë se qeverinë e ka kapur frika. Dhe sipas tij këtë gjë e ka treguar duke vendosur forca speciale dhe armë gjatë protestave, në ambientet e institucioneve fetare, si në rastin e Xhamisë që ndodhet pranë Kuvendit.

“Edhe në regjime të tjera diktatoriale nuk kanë guxuar të vendosin uniforma ushtarake, mjete të sofistikuara ushtarake dhe policore brenda një institucioni fetar.

Kjo tregon deri ku ka arritur frika e këtij regjimi nga njerëzit dhe deri ku është shtrirë marrëzia e tij që kërkon të mbrojë veten në një mënyrë të dhunshme. Duke shkelur edhe paprekshmërinë e institucioneve fetare.”

Lexo edhe :   Pika vaksinimi në Universitete/Rama thirrje studentëve: Vaksinimi i detyrueshëm

Edhe pse tashmë nuk është më deputet i qarkut të Gjirokastrës, Shehu thotë se tani më shumë se më parë do të merret me problematikat e zonës. Ai thotë për Tirana Today se kryebashkiaku i Këlcyrës, pavarësisht kundërshtisë nga Këshilli Bashkiak kërkon të shembë shtëpitë e banorëve, sipas Shehut për një projekt fantazmë.

“Në arë qark janë duke ndodhur ngjarje nga më të rënda. Ndjehet një arrogancë e madhe e pushtetit dhe një terrorizim i banorëve. Duke shkuar në ekstreme të shkeljes së të drejtave të njeriut dhe pronës, siç janë ngjarjet e Këlcyrës. Unë me thënë të drejtën kam ngelur i shokuar.

Të kërkosh të shembësh rreth 30 banesa dhe ambiente të ndërtuara me leje ndërtimi, jo me legalizime por me leje ndërtimi; është krim. Dhe kjo bëhet në saj të një “projekti” për një hapësirë rekreative që hajde e merre vesh se çdo të thotë. Me një vlerë mbi 3 milion euro dhe i pa bërë transparentë për të interesuarit.”/ TIRANA TODAY

- Reklama -

Më shumë nga kategoria




Të fundit

Kosova ndalon hyrjen e mjeteve me targa serbe, Drecun: Aksioni i planifikuar

Kryetari i Komisionit për Kosovën në Kuvendin e Serbisë, Milovan Drecun, ka deklaruar se aksioni i Njësisë Speciale të Kosovës rreth vendosjes së reciprocitetit...

Ndodh edhe kështu/Nuk siguroi dot biletën, tifozi fshihet në tualetin e femrave

Për të parë skuadrën e zemrës, ia vlen çfarë do lloj sakrifice. Një tifoz skocez i skuadrës së Sëlltikut është përballur me një të...

E mendonin të vdekur në Pukë, si i dështoi plani për inskenimin e vrasjes

Vijojnë hetimet ndaj biznesmenit italian Davide Pecorelli, të cilit i dështoi plani për inskenimin e vrasjes. Shqipëria nis hetimet për "shkatërrim prone" e "dëmtim...

Thellohet tragjedia, shuhet familja Gjoka nga shpërthimi i bombolës së gazit

Pas dy motrave dhe mamasë, ka humbur jetën edhe djali 12-vjeçar i familjes Gjoka. Enriko Gjoka 12 vjeç, fatkeqësisht nuk ia ka dalë t'i...

Vendimi/Çfarë është reciprociteti për targat e Serbisë? Blindohet kufiri

Duke parë situatën e agravuar tashmë mes Kosovës dhe Serbisë, Ministria e Punëve të Brendshme ka kërkuar nga ana e qytetarëve që të shfrytëzojnë...