Konflikt me armë në Berat, pronarët e lavazhit qëlluan qiramarrësit

Gjatë pasdites së sotme, në rrugën e Uznovës në Berat janë regjistruar disa të shtëna me armë zjarri.

Konflikti me armë mësohet ka nisur për qiranë e një lavazhi, pasi pronarët kishin pretendime se qiramarrësit nuk paguanin në kohë.

BalkanWeb raporton se ishin pronarët e lavazhit, ata të cilët kanë qëlluar me armë zjarri në drejtim të qiramarrësve, por që për fat të mirë nuk ka pasur të lënduar.

Policia ka arrestuar dy persona dhe vijon hetimet për zbardhjen e plotë të ngjarjes.