Kreu i Partisë Demokratike, Lulzim Basha ka publikuar në rrjetin social ‘Twitter’ një foto me kreun e Partive Popullore Europiane, Joseph Daul. Kryedemokrati e ka cilësuar këtë takim si të shkëlqyer, ndërsa Daul e lartëson si një demokrat dhe një “europian të madh’.
Lideri i selisë blu gjatë ditës së sotme publikoi edhe mesazhin e Daul, i cili sipas Bashës ka theksuar se nuk bëhet kompromise me demokracinë dhe shtetin ligjor. Ai pohoi se kreu i PPE-së mbështet fuqimisht PD-në dhe kauzën e saj.
“Me Presidentin e PPE Joseph Daul. Takim i shkëlqyer me një demokrat dhe europian të madh. #ShqipëriaSiEuropa”, shkruan ai.
