Në një prononcim për mediat ditët e fundit, trajneri i kombëtares kuqezi, Edi Reja hodhi poshtë zërat për një largim të mundshëm.
Sot, ai e ka bërë de fakto, duke firmosur kontratën me FSHF-në. Sipas informacioneve të brendshme në FSHF, dje Reja ka firmosur kontratën. Tashmë, pritet vetëm formalizimi përpara kamerave.
Kontrata e firmosur ka qenë ajo që është folur gjatë nëpër media, që trajneri do të qëndrojë edhe për 4 vitet e ardhshme në krye të pankinës të kuqezinjve. Objektivi kryesor i kësaj kontrate ngelet kualifikimi për në finalet e Evropianit të ardhshëm.
