Dy konkurrentët e “Big Brother VIP”, Donaldi dhe Arjola treguan planin që kishin bërë përpara disa netësh. Ideja e tyre ishte që të trembnin banorët. Fifi e revoltuar, nuk donte që ata ta realizonin këtë shaka, pasi për atë i kujtonte momente të zymta në jetën e saj. Një makth që pa Arjola atë natë, ishte ajo e cila e pengoi realizimin e planit të vërtetë. Fifi teksa fliste me Sabianin, zbuloi se prej 6 vitesh ka vuajtur nga depresioni. Madje gjendja e saj shëndetësore ka qenë e përkeqësuar, aq sa e kishte lënduar veten duke u goditur me tenxhere e tigan.
“Unë kam vuajtur 6 vjet nga depresioni, dhe i kam rënë vetes me tenxhere, tigan, kam pasur probleme. Kam pirë dhe xanax. Atë natë ata janë munduar të na bëjnë lojën që Arjola gjoja ka qenë në gjumë, dhe ka parë dhe njeriun me kapele dhe njeriun që zmadhohet dhe zvogëlohet. Unë kam vuajtur nga kjo gjë. Nuk bëhet kjo lloj shakaje. Këtu brenda shtëpisë vuajnë tre veta nga ky muhabet. Beatriks vetëm kur ja përmend këtë gjë, u tremb”, tha Fifi e shqetësuar.
