Zëdhënësi i Metës, Tedi Blushi, ka reaguar ashpër ndaj zërave kritikë ndaj Metës, duke i quajtur ata qenë rrugësh. “Nuk mund t’i ndalojmë qentë të lehin! Edhe kafshët kanë të drejtat e tyre! Sidomos qentë e rrugës dhe të UDB-së në këto kohë të fantazmave me shkëmbime territoresh!”, ka shkruar ai në postimin e fundit në Facebook.
Ky reagim pason pas kritiave të fundit të Baton Haxhiut dhe Frrok Çupit. Mbrëmjen e djeshme në emisionin “Open”, analisti Frrok Çupi bëri akuza të forta ndaj Ilir Metës, ku u shpreh se ka bërë krime të shumta, dhe për të shpëtuar kërkon të bëjë presion dhe të krijojë destabilitet. Nga ana tjetër, Baton Haxhiu në “Opinion” deklaroi se lëvizja e radhës e Kreut të Shtetit është moralisht problematike dhe politikisht legjitim.
