Rajoni

Shtetet e fuqishme i kërkojnë Kosovës që të heqë taksën ndaj Serbisë


               Publikuar në : 16:28 - 13/08/19 Enno

Ambasada e Shteteve të Bashkuara, ajo e Francës, Gjermanisë, Italisë dhe Mbretërisë së Bashkuar kanë kërkuar që Kosova dhe Serbia të dialogojnë dhe të arrijnë një marrëveshje.

Në deklaratën e përbashkët, thuhet se rinisja e bisedimeve është e nevojshme për të dy vendet, me qëllim integrimin.

Për rrjedhojë, sipas tyre, që kjo gjë të arrihet, duhet që fillimisht Kosova të heqë taksën ndaj produkteve serbe, ndërsa kjo e fundit të ndërpresë fushatën për heqjen e njohjeve kundër Kosovës.

“Kërkojmë nga të dy palët të shmangin veprime që do të pengonin një marrëveshje përfundimtare, e cila është e nevojshme për të dy vendet për të arritur integrim më të madh euro-atlantik dhe përfitimet përcjellëse.

“Për Kosovën, kjo nënkupton heqjen e taksave të vendosura ndaj Serbisë. Për Serbinë, kjo nënkupton ndërprerjen e fushatës për heqjen e njohjeve kundër Kosovës”, thuhet në deklaratë.

Kthehu
WhatsApp Denonco ne TT