Rama: Po erdhi PD në pushtet, mos t’ju shkojë në mendje se do vijnë vaksinat

Kryeminsitri Edi Rama, nuk i kursen sulmet ndaj kundërshtarëve politikë, dhe veçanërisht Partisë Demokratike, në çdo takim të tij elektoral.

Nga Lezha, ku prezantoi kandidatët për deputetë, Rama u shpreh se PD-ja nuk ka bërë asnjë punë gjatë qeverisjes së saj.

Ndër të tjera, Rama u shpreh se nëse PD-ja do të vijë në pushtet, vaksinat anti-covid nuk do të vijnë ashtu siç kanë ardhur deri më tani.

Edi Rama: ”Ata krijojnë varta infektimi. Më thoni një gjë që kanë bërë; u ka mbetur këngë libralizuam vizat, futëm Shqipërinë në NATO. Nuk ishte fare puna e tyre, ishte proces shumë-vjeçar. Nuk ka një spital, një shkollë, një qendër shëndetësore që të themi; këta e bënë. Duan të kthehen në detyrë. As mos t’ju shkojë mendja që vaksinat do të vijnë kështu siç po vijnë, nuk ka për të ndodhur. Do t’ju them çfarë do të ndodhte. Se thonë ca të tjerë që po i merr nga lekët e tua. Po me lekët e popullit i bënin edhe këta të tjerët.”