Edi Rama ka shpërthyer keq ndaj opozitës, duke iu referuar thashethemeve dhe deklaratës së eksponentëve të së djathtës se kryeministri ka probleme shëndetësore.
Në një postim në Twitter, Rama shkruan se opozita është katandisur duke sajuar kriza për vendin e sëmundje për kundërshtarin, ndërsa thekson se “s’ka asgjë tjetër veç larjes së jashtënxjerrjeve tuaja nëpër botë”.
“Boll se s’kam asgjë tjetër përveç larjes së jashtënxjerrjeve tuaja nëpër botë boll! O pika që s’ju bie kur thonë plakat”, shkruan ndër të tjera Rama.
Reagimi i plotë:
Po boll o boll, boll se s’kam asgjë tjetër përveç larjes së jashtënxjerrjeve tuaja nēpër botë boll! Opozitë e katandisur në një tufë qorre që mësyn fizikisht rrugëve dhe bën politikë duke sajuar kriza për vendin e sëmundje për kundërshtarin! O pika që s’ju bie kur thonë plakat
Po boll o boll, boll se s’kam asgjë tjetër përveç larjes së jashtënxjerrjeve tuaja nēpër botë boll! Opozitë e katandisur në një tufë qorre që mësyn fizikisht rrugëve dhe bën politikë duke sajuar kriza për vendin e sëmundje për kundërshtarin! O pika që s’ju bie kur thonë plakat?
— Edi Rama (@ediramaal) March 21, 2019
Ish-deputetit demokrat Klevis Balliu denoncoi se pas protestës së 16 marsit, Rama kishte përfunduar në spital pasi kishte pësuar parainfarkt.
Balliu shkruante se këtë e ka mësuar përmes burimeve të sigurta, por pa treguar se për kë bëhet fjalë.
“Rama përfundon në spital pas 16 marsit
Mësova nga disa burime se Kryeministri Rama është shtruar në një spital privat, pasi ka pësuar një parainfarkt.
Gjendja e tij shëndetësore reflekton qartazi gjendjen e rënduar politike. Skandalet si vjedhja e Unazës, kanabizimi i vendit, droga, implikimet e qeverisë me krimin, dosja 339 apo 184 dhe patjeter revolta qytetare janë arsyet e gjendjes së tij.
Duke i uruar shërim të shpejtë, i kërkoj që të japë dorëheqjen për të mirën e tij.
Pasi politikisht tani dihet që gjendja është e papërballushme por qartazi edhe fizikisht nuk e përballon dot.
Ndaj i kërkoj Kryeministrit ti hapi rrugën qytetarëve me zgjidhje politike, që Shqipëria të kthehet në normalitetin politik dhe ekonomik te saj.
Më shpejt se sa vonë Edvin, mendo për vete dhe qytetarët.”, shkruante Balliu.
