E martë, 28 Shtator, 2021
17.5 C
Tirana

Ekzekutimi i biznesmenit Polia, zbardhet dëshmia e shokut që ishte në makinë

Burimet policore bëjnë me dije se biznesmeni Nard Polia është vrarë brenda në makinën e tij pa lëvizur nga sedilja e shoferit.

Forcat e Policisë menjëherë kanë shoqëruar dëshmitarin e kësaj vrasjeje, Xhovan Mirashi, i cili në momentin kur u qëllua mbi 33-vjeçarin ndodhej në makinë me të. Dëshmitari ka deklaruar se ai sapo kishte dalë me viktimën nga servisi për ta provuar fouristradën me idenë për t’u rikthyer përsëri.

Vetëm pak minuta pas daljes nga servisi, Mirashi ka treguar se është afruar në drejtim të tyre një person me motoçikletë, i cili fillimisht i ka prerë rrugën. Është ulur me qetësi duke iu afruar fouristradës. Sipas burimeve, në atë moment Xhovani i ka thënë Policisë se e ka pyetur viktimën nëse e njihte atë person me skafandër në kokë, por 33- vjeçari i ka thënë se nuk e njihte.

Më pas, Mirashi ka treguar se autori ka nxjerrë armën që e kishte brenda trupit nën xhaketë dhe më pas ka qëlluar në drejtim të Nard Polisë me breshëri plumbash. Dëshmitari ka shpëtuar pa marrë asnjë plumb në trupin e tij, ndërsa ka rrëfyer për Policinë se, i gjendur në atë situatë të vështirë dhe të papritur, vetëm ka ulur kokën dhe ka vendosur dy duart mbi kokë.

Pasi autori ka kryer këtë vrasje është larguar sërish me motoçikletën e tij. Sipas dëshmitarit, autori ishte i veshur me rroba të trasha, ndërsa ishte e pamundur për ta identifikuar për shkak edhe të skafandrit në kokë.

Autori ka pasur gjithë kohën e duhur për shkak se vendi ku ndodhi vrasja është një rrugë periferike, e cila nuk ka shumë lëvizje nga banorët atje. /Panorama

- Reklama -

Më shumë nga kategoria




Të fundit

Berisha, nga Ryersoni tek Yuri Kim

Nga: Mentor Kikia Zhvillimet që po ndodhin tani në politikën shqiptare janë më të rëndësishmet që kanë ndodhur që nga vitet 1990-1992. Dhe kanë për...

Bërnabiq: BE nuk po bën asgjë, ose fare pak për situatën në Kosovë

Kryeministrja e Serbisë, Ana Bërnabiq, tha se Bashkimi Evropian, në këtë moment, “nuk po bën asgjë, ose po bën fare pak” në lidhje me...

Dojna Mema i bashkohet ‘Big Brother Vip’, zbulohet pozicioni që i është besuar

“Big Brother Vip” starton në fillim të tetorit. Edhe ky edicion do të drejtohet nga Arbana Osmani. Revista “Vip Magazine” ka zbuluar se Dojna Mema...

Asnjë i dënuar për atentatin tek ‘Komuna e Parisit’, lihen të lirë dajë e nip

Viktor Marku dhe Sebastian Mali, të cilët akuzoheshin për vrasjen e Hekuran Billës, janë liruar nga qelia. Me vendim të Gjykatës, nga ‘arrest me...

“Qeveritë të takohen më shpesh”, akademiku Rexhep Qosja mesazh Ramës dhe Kurtit

Në ceremoninë e vlerësimit nga Edi Rama me titullin “Kordoni i Madh me Yllin e Medaljes”, të zhvilluar në Prishtinë, akademiku i njohur Rexhep...