Në këtë situatë të vështirë në të cilën ndodhet vendi, kryeministri Rama ka ftuar kryedemokratin Basha që të lënë pas mëritë, kjo në të mirë të qytetarëve.
Rama i ka ‘shtrirë dorën’ kreut të PD-së, Basha, duke i rikujtuar se është koha e bashkimit.
Ai ka kërkuar që të ulen në një tryezë, për t’ju përcjellë të lënduarve e jo vetëm, mesazhin e durimit. Por dhe se askush nuk do të jetë vetëm në këtë luftë për mbijetesë.
Statusi
1/ U bëj apel forcave opozitare të ulemi pa humbur kohë në tryezë për të dëgjuar idetë dhe propozimet e tyre konkrete. Në këto rrethana të jashtëzakonshme duhet mbiprodhim energjish pozitive për fatkeqët që kanë humbur gjithçka dhe mbarë popullin që meriton përkujdesje psikologjike.
2/ @lulzimbasha_al është koha e bashkimit konkret sepse vetëpërmbajtja në fjalor, sado e mirëseardhur është krejt e pamjaftueshme! Të ulemi për shqiptarët dhe t’u japim mesazhin qetësisë, durimit, sigurisë se askush nuk do të jetë vetëm në këtë luftë për mbijetesë.
Unë jam gati
3/ …”Për çdo gjë ka një kohë nën këtë qiell; një kohë me lind e një kohë me vdek; një kohë me i mledh e një kohë me i largu gurët; një kohë me rrëzu e një kohë me ngrit; një kohë me fitu e një kohë me hum; një kohë me u luftu e një kohë me u paqtu..” Kjo është koha me u ftillu #PërNjerëzit
Një ditë më parë, Basha u dha urdhër strukturave se duhet të mbajnë konktakte me qytetarët e prekur nga tërmeti, për të evidentuar nevojat e tyre. Ai iu theksoi demokratëve se s’duhet përdorur politikisht fatkeqësia e madhe.
Sot ka humbur jetën në Spitalin e Traumës, Xh. Biqiku, vajza 20-vjeçare që i ranë disa tulla në kokë në Kombinat, gjatë kohës që po dilte nga shtëpia. Ajo nuk ia doli dot mbanë nga tërmeti i 26 nëntorit.
