Sekretari i Përgjithshëm i Partisë Demokratike, Gazment Bardhi ka reaguar në lidhje me publikimin e videos për kryebashkiakun e Bulqizës, Lefter Alla.
Përmes një postimi në Facebook, Bardhi shprehet se SPAK duhet të hetojë dhe të zbulojë grupin kriminal që merret me shpërndarjen e kokainës në Bulqizë.
Ai shton se Lefter Alla duhet të ndiqet penalisht për mos kallëzim krimi ndaj atyre që i sigurojnë kokainë.
Postimi i plotë:
SPAK ka një mundësi reale të zbulojë dhe vendosë përpara përgjegjësisë një grup të strukturuar kriminal që merret me shpërndarjen dhe trafikimin e kokainës në zonën e Bulqizës. Edi Rama i Bulqizës duhet të ndiqet penalisht për moskallëzim krimi ndaj atyre që i kanë siguruar kokainën. SPAK duhet të veprojë pa asnjë vonesë!
