Aktualitet

Publikimi i videos/ Kryebashkiaku i Bulqizës ‘jep llogari’ sot tek SPAK


               Publikuar në : 16:43 - 23/01/20 B H

Kryebashkiaku i Bulqizës, Lefter Alla do të merret sot në pyetje nga Prokuroria Speciale e Antikorrupsionit (SPAK).

Bëhet me dije se kryebashkiaku do të merret në pyetje sot në orën 17:00. Ai do të japë dëshminë e tij në lidhje me videon e publikuar ditën e djeshme nga gazetari Artan Hoxha, i cili pretendon se në të shfaqet Lefter Alla duke konsumuar kokainë.

Kryebashkiaku i Bulqizës reagoi pak më vonë pas publikimit të saj, duke hedhur poshtë akuzat e bëra ndaj tij. Alla tha se personi në video nuk është ai dhe se çdo gjë është montuar nga Partia Demokratike.

Ai pohoi se në lidhje me ekzistencën e kësaj videoje kishte informacion që një vit më parë. Lefter Alla paralajmëroi gjithashtu se do të ngrinte një padi ndaj ish-deputetit të PD-së, Ervin Salianji për akuzat që ky i fundit bëri ndaj tij për videon në fjalë.


Kthehu
WhatsApp Denonco ne TT