Ditën e sotme ka pasur disa momente pikante gjatë protestës së opozitës së bashkuar para Parlamentit. Herë pas here ka pasur përplasje mes protestuesve dhe policisë, teksa është tentuar të çahet kordoni.
E tashmë, mes turmës një incident aspak i këndshëm i ka ndodhur një të riu që po proteston, i cili ka humbur celularin e tij.
Siç duket në pamjet e filmuara të Tirana Today, i riu dëgjohet teksa pyetet nëse i shkon zilja, por përgjigja e tij është se i del i fikur.
Nuk dihet nëse ia kanë vjedhur, apo protestuesit i ka rënë diku celulari, ndërsa tashmë situata paraqitet më e qetë.
Gazetarja e Tirana Today raporton se policët ia kanë shtruar muhabetit me njëri-tjetrin por edhe me protestuesit, si dhe herë pas here kanë qeshur me situata të krijuara aty pranë.
