Kryeministri Edi Rama me anë të një postimi në Twitter ka njoftuar se mesditën e sotme do të ketë një bashkëbisedim me gazetarët. Sipas Ramës ky takim do të ketë në fokus zyrtarizmin e 61 kandidatëve të PS-së.
Ky është takimi i dytë brenda pak ditësh, pasi vetëm një ditë pas 11 majit, protestës kombëtare të opozitës, Rama dha mesazhe të forta nga Kryeministria.
Kryeministria ka njoftuar sot se i pari i qeverisë do të zhvillojë bashkëbisedim me gazetarët në sallën e Hartave në Kryeministri.
“Në 13.00 me gazetarët, pas regjistrimit të kandidatëve tanë për 61 bashkitë dhe listave të këshilltarëve bashkiakë për mandatin e ri të qeverisjes vendore. Koha për fushatën zgjedhore të 30 qershorit dhe për vijimin e përpjekjeve për dialog me të vetëpërjashtuarit nga zgjedhjet?”
Në 13.00 me gazetarët, pas regjistrimit të kandidatëve tanë për 61 bashkitë dhe listave të këshilltarëve bashkiakë për mandatin e ri të qeverisjes vendore. Koha për fushatën zgjedhore të 30 qershorit dhe për vijimin e përpjekjeve për dialog me të vetëpërjashtuarit nga zgjedhjet🤝
— Edi Rama (@ediramaal) May 14, 2019
Kujtojmë se mbrëmë qarkulluan lajme për një pakt mes palëve, por që fill pas kësaj, selia blu reagoi me një përgënjeshtrim, duke thënë se “PD dhe opozita e bashkuar ka publikuar zyrtarisht 10 detyrat e qeverisë tranzitore. Ky është i vetmi qëndrim zyrtar, së bashku me kërkesën e panegociueshme për largimin e Edi Ramës dhe krijimin e qeverisë tranzitore për zgjedhje. Parlamenti dhe qeveria aktuale janë ilegjitime”.
