PD e PS kanë gjetur gjuhën e përbashkët për Vettingun në politikë. Kreu i PD, Lulzim Basha i mëshoi faktit pak ditë më parë se opozita kërkon Vetting për politikanët, në përputhje me opinionin e Komisionit të Venecias të dhënë në 2018.
Sipas tij, procesi do të verifikojë lidhjet e politikanëve me krimin e organizuar, si dhe pasurinë e tyre dhe të familjarëve apo të ortakëve.
Në përgjigje të kryedemokratit Basha, kryeministri Rama deklaroi këtë të mërkurë se mazhoranca është e gatshme të ulet me përfaqësues të opozitës, për të diskutuar amendamentet dhe propozimet e tyre që tashmë janë depozituar në Kuvend. Për Vettingun e politikanëve, ndryshimet kushtetuese për reformën zgjedhore dhe reformën territoriale.
Kjo tregon se Basha e Rama kanë gjetur dakordësinë. Miratimi i Vettingut në politikë do t’i hapë rrugë pastrimit të politikës, ku pritet të fundosen shumë politikanë me pasuri marramendëse.
