Kreu i Partisë Demokratike, Lulzim Basha pak orë pas mbylljes së protestës e cila filloi te Kryeministria dhe u mbyll te Parlamenti ka reaguar sërish me anë të një statusi në Facebook. Kryedemokrati ka shpërndarë disa fotografi të protestës dhe shkruan se “për ti dhënë fund pandëshkueshmërisë së Edi Ramës, dita kur do të shkojnë para drejtësisë po afron”.
Ai thotë se gjithë bota e pa sot vendosmërinë e një populli që kërkon liri dhe demokraci.
STATUSI I BASHËS
Nuk ka stabilitet pa demokraci! E gjithë bota ka parë sot vendosmërinë e një populli të bashkuar për liri dhe demokraci, për vlera europiane dhe për ti dhënë fund pandëshkueshmërisë së Edi Ramës. Dita kur do të shkojnë para drejtësisë po afron. Shqiptarët e bashkuar kanë për të fituar! Fund qeverisë së hajdutëve, fund qeverisë së kriminelëve!
Rroftë Shqipëria!
