Nënkryetari i PD-së, Edi Paloka, ka publikuar një foto nga rrëzimi i bustit të Enver Hoxhës, dhe një fotomontazh që zëvendësohet me Edi Ramën. Daljet e shpeshta të Metës e kërcënimet e njëpasnjëshme, nuk kanë shkuar në vesh të shurdhët. Edhe Rama ia ka kthyer me të njëtën monedhë.
Nga ana tjetër, Ilir Meta vijon t’i bëjë thirrje shqiptarëve që të bashkohen në 2 Mars në bulevard, për mbrojtjen e Kushtetutës. Sipas Metës, kokëfortësia e Rilindjes për të pushtuar në mënyrë mafioze Gjykatën Kushtetuese, përbën qartë grusht shteti.
Kohët e fundit, presidenti Ilir Meta ka qenë në një luftë të ashpër me faktorin ndërkombëtar në vend, si dhe është hedhur në sulme të forta në drejtim të institucioneve në vend, siç është Kuvendi apo organet e reja të drejtësisë.
