Kryeministri Edi Rama është shfaqur në televizione të shumta italiane, ku ka dhënë intervista apo prononcime lidhur me aktualitetin politik në vendin tonë.
Së fundmi, në një prononcim dhënë për TG5, ai zbulon edhe arsyen përse ndodhet në Itali, ku ka folur lidhur me krizën politike dhe protestat e njëpasnjëshme të opozitës.
“Prandaj jam në Itali për t’i sqaruar të gjithë italianët lidhur me ato imazhe jopozitive, është një protestë që është zhvilluar në perimetrin e një kilometri. Jashtë këtij perimetri, jeta vazhdon. Sigurisht që ka shumë sfida, Shqipëria nuk është pa probleme, por jemi në rrugën e drejtë,” thotë kryeministri ndër të tjera.
I pyetur nëse mund të arrijë në një pikë kompromisi me opozitën, Rama u përgjigj:
“Ne nuk mund të themi hajde të anulojmë lojën, e fillojmë nga kapiteni dhe të bëjmë formacionin që ata duan që të fitojnë ndeshjen”./ Tirana Today