Në datën 4 janar, Kuvendi do të mblidhet në një seancë të jashtëzakonshme për ndryshimet në qeveri.
Bëhet fjalë për ndryshimet e reja në qeveri ku Olta Xhaçka u dekretua nga Presidenti Meta si ministre të Jashtme dhe Niko Peleshin në krye të Ministrisë së Mbrojtjes.
Kuvendi ka vendosur të mblidhet të hënën më 4 janar 2021 në orën 17:00, për të miratuar dekretet e Presidentit Ilir Meta.
Kuvendi i Shqipërisë nis sesionin e ri parlamentar më 18 janar, por emërimi i ministrave të rinj ka bërë që të mblidhet më herët në një seancë të jashtëzakonshme.
Postin e ministrit të Jashtëm zyrtarisht e mbante vetë kryeministri Edi Rama, ndërsa kompetencat i ishin deleguar Gent Cakajt. Ky i fundit i ka dorëzuar dorëheqjen kryeministrit dhe Rama në vend të tij ka emëruar Olta Xhaçkën si ministre të Jashtme, e cila drejtonte Ministrinë e Mbrojtjes. Ndërkohë është rikthyer në kabinet Niko Peleshi, pasi është emëruar si ministër i Mbrojtjes.
