Kryetarja e LSI, Monika Kryemadhi ka folur rreth grabitjes në Rinas dhe rolin e Forcave të Armatosura, duke deklaruar se pas grabitjes fshihet “banda e Edi Ramës”.
“Në 6 vite Edi Rama nuk ka raportuar asnjëherë për gjendjen e kanabisit në vend, edhe pse ka patur gjeneral Sandër Lleshajn. Tani ç’mund të pretendoni ju për Romeon dhe Zhuljetën e rendit dhe sigurisë. Për cilën ushtri do flasim? Për ushtrinë që fikte radarët kur kalonin gomonet me drogë? Për ushtrinë ku pilotët rrëzoheshin me helikpoterë me drogë në Spanjë?”, tha Kryemadhi.
Ndër të tjera, Kryemadhi tha se shpreson që Ilir Meta të realizojë diçka në kërkesat që publikoi ditën e djeshme, edhe pse i duket e pamundur, pasi sipas saj shtetit është i kapur, teksa u shpreh se do zhgënjehej nëse vijojnë me iluzionin që në këtë vend funksionon shteti.
“Pra ajo që dua të them është që unë shpresoj që Presidenti të realizojë diçka në kërkesat e veta, por jam e bindur që nuk ka për të realizuar asgjë sepse ky është një shtet i kapur dhe nëse akoma vazhdojmë me iluzionin që këtu funksionojnë struktura, funksionon shteti, për mua zhgënjimi do të jetë akoma dhe më i madh, jo vetëm për Presidentin, por zhgënjimi do të jetë dhe më i madh dhe për ndërkombëtarët dhe për partnerët tanë”, deklaroi Kryemadhi.
Ndërkohë, sa i përket protestës së 16 prillit, ajo tha se do të jetë edhe më e madhe se ajo e 16 marsit.
“Bjera e shiut do ta bëjë më të bukur. Të tregoj se sa të vendosur janë shqiptarët për të larguar Do të jetë më e madhe se ajo 16 marsit. Kemi vendosur orën 18:00 sepse mendonim se do ishte shumë vapë. Ndërgjegjia do të filloj nga socilistët, të cilët do të jenë pjesë e protestës. Shumë prej tyre do të jenë pjesë e protestës”, u shpreh Kryemadhi në një intervistë për A2.
