E martë, 30 Nëntor, 2021
5.5 C
Tirana

“Policisë nuk i është hapur dera e aeroportit”, Lleshaj: Kemi identifikuar përgjegjësin kryesor

Ministri i Brendshëm Sandër Lleshaj, ka vazhduar me akuzat ndaj koncesionarit të sigurisë së aeroportit të Rinasit. I ftuar në “Vizion Plus” ministri u shpreh se policisë nuk i është hapur dera e aeroportit dhe se ata janë sulmuar me armatime të rënda, por e kanë dominuar situatën në mënyrë perfekte.

Po ashtu Lleshaj u shpreh se policia nuk është njoftuar për grabitjen nga koncesionari, por nga një punonjës i kompanisë së avionëve.

“Unë di që policia është vënë në dijeni nga një burim tjetër fillimisht, jo nga koncesionari, domethënë një nga punonjësit e kompanisë së avionëve. Policia ka reaguar në sekondë, ka tentuar të futet brenda dhe nuk i është hapur dera. Policia ka reaguar shumë shpejt pasi kanë qenë brenda në makinë, nuk ishin jashtë. Ata janë sulmuar me granata dhe armatim të rëndë, por e kanë dominuar situatën në mënyrë perfekte.”

Sipas ministrit, policia sapo është vënë në dijeni për grabitjen ka shkuar në drejtim të pistës së aeroportit, por dera nuk është hapur nga koncesionari.

Për Lleshajn përgjegjës kryesor për grabitjen është koncesionari kinez, pasi ky është një rast i përsëritur dhe se ka injoruar kërkesat për rritjen e sigurisë së aeroportit “Nënë Tereza”.

“Është e vërtete që policia ka tentuar të futet në pistën e aeroportit por nuk ka hapur dot derën. Nuk besoj se kompania administruese e sigurisë brenda në aeroport nuk e ka hapur derën me qëllim, nuk e besoj këtë. Dua të sqaroj se grupi i FNSH-së, ndodhej aty afër aeroportit e pozicionuar për sigurinë e Rinasit. Por diçka nuk funksionoi në bashkëpunimin me kompaninë, kjo duhet të verifikohet. Sigurisht që këtu kemi të bëjmë me një problem të madh pasi është kaluar me lehtësi barriera fizike e rrethimit të aeroportit, dhe kjo është pakënaqësia që kemi ne ndaj kompanisë që ruan sigurinë ne aeroport. Ky partner i yni çedon për herë të dytë në mënyrë të rëndë. Ne, kompania nuk na ka dhënë sekonda kohë për të reaguar, jo më minuta.

Në momentin që banda është larguar, policia është vënë në ndjekje. Në një moment të dytë ata kanë lënë një makinë ku lexonte hetimi tatimor dhe kanë transportuar paratë në makinën tjetër. Në këtë moment është afruar policia dhe ka pasur shkëmbim zjarri ku është vrarë edhe Murataj. Vendosja e makinës ku lexonte hetimi tatimor në mes të rrugës, e ka bërë të vështirë ndjekjen.

Ne kemi identifikuar përgjegjësin kryesor të kësaj ngjarje, që është koncesionari pasi ky është rast i përsëritur dhe për më tepër ka disa letra dërguar kompanisë që duhet të rriste sigurinë dhe janë injoruar në mënyrë sistematike çuditërisht.”-tha Lleshaj.

- Reklama -

Më shumë nga kategoria




Të fundit

Bllokimi për variantin Omicron/ Biden: S’ka vend për panik

Presidenti amerikan Joe Biden e ka quajtur variantin Omicron Covid-19 një "shkak shqetësimi, jo shkak për panik", një ditë pasi u zbulua në Amerikën...

Njihuni me këmbimin valutor, 30 nëntor 2021

Në kursin e këmbimit valutor, sot vihet re rritje e dollarit, paundit britanik dhe frangës zvicerane. Ndërsa euro s'ka pësuar ndryshime. Më poshtë do të...

Pandemia i bëri shqiptarët “dembelë”

Pandemia Covid-19 ka shkaktuar nivele të larta të “dembelizmit” në të gjithë vendin. Personat në moshë pune që nuk po kërkojnë një punë u...

Lionel Mesi hyn në histori, fiton “Topin e Artë” nr.7

Lionel Mesi mbetet numri një i futbollit botëror, madje duke thyer rekorde e duke hyrë në histori si fituesi më i madh i kësaj...

Atentat ish-deputetit dhe ish-kreut të Komunës Velipojë

Mbrëmjen e djeshme, një tjetër atentat me armë zjarri tronditi Shkodrën. Në këtë atentat mbeti i vdekur një emër i njohur, Pashko Ujka, 64...