E enjte, 20 Janar, 2022
-3.5 C
Tirana

“Kishin planifikuar të derdhej gjak”, PD nxjerr emrat (VIDEO)

Partia Demokratike ka publikuar sot emrat e atyre që i cilëson si mercenarë të ish-kryeministrit Sali Berisha, që morën pjesë në protestën e 8 janarit. Në një video të shpërndarë në rrjetet sociale, PD citon se Berisha dhe banda e tij dështuan me turp, pasi u braktisën sipas kësaj partie, nga demokratët. Sipas kësaj force politike, ish-kryeministri Berisha nuk mban më dot peng as PD-në dhe as Shqipërinë.

Nga ana tjetër, SHBA ka paralajmëruar se do të vendosë sanksione ekonomike ndaj të gjithë atyre që cilësohen si rrezik për të. Shumë personave “non grata” u janë bllokuar biznese e pasuri, ndërsa sinjalet janë se SHBA mund të marrë masa edhe ndaj bizneseve që kanë financuar aktivitetet e Berishës.

Të martën, ish-kryeministri në një studio televizive akuzoi Bashës, se i ka dhënë ambasadës një listë me të gjithë biznesmenët që e kanë financuar. Nëse kjo është e vërtetë, atëherë me shumë gjasë SHBA do vendosë sanksione ndaj bizneseve që operojnë përmes degëve të tyre në SHBA.

“Basha i ofroi një listë me biznesmenë që ndihmojmë “Foltoren” zotit Escobar. Njerëz që kurrë Berisha nuk ka kërkuar jo në “Foltore”, por edhe më përpara asnjë qindarkë të vetme. Ata thirren një nga një në Ambasadë për të dhënë llogari siç u thirrën gazetarët që të mos transmetojnë “Foltoren”. E gjitha është kjo. Ata që i besojnë Bashës, bëjnë gabim të jashtëzakonshëm”, u shpreh ish-kryeministri Sali Berisha të martën në mbrëmje.

Ja se çfarë shkruan PD

“Për fat të mirë në 8 janar nuk u derdh gjak, ashtu siç dëshironte dhe kishte planifikuar Berisha me një grusht kriminelësh. Ai personalisht e ndolli dhe frymëzoi vetë dhunën per javë me radhë, që kur deklaroi se PD nuk meritonte të ekzistojë nëse nuk e mbronte atë pas shpalljes non-grata për korrupsion. Por Berisha dhe banda që ai mblodhi dhe përzgjodhi me kujdes, dështuan me turp sepse demokratët i braktisën. Ai nuk mban më dot peng as PD-në dhe as Shqipërinë. Mbi rrënojat e dhunës së tij, PD po ngrihet çliruar nga mankthi dhe dhuna e së shkuarës, dhe e vendosur për tu ofruar gjithë shqiptarëve të ardhmen që meritojnë”.

Lexo edhe :   “Qelbësirë, kam bo burg për ty”, makina e Bashës qëllohet me vezë
- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...