Emisari special i presidentit amerikan, Richard Grenell dhënë një prononcim të shkurtër për mediat kosovare, para takimit të tij me presidentin Thaçi.
Grenell është shprehur se për SHBA-në ka rëndësi arritja e progresit në rajon në aspektin ekonomik, në rastin konkret në Kosovë dhe Serbi.
Ai tha se komuniteti i bizneseve në Amerikë dhe në Evropë duan të vijnë të investojnë në rajon, por kjo nuk mund të ndodhë nëse ka konflikte nga establishmentet politike.
“Presidenti Trump ka qenë i fokusuar për të zgjidhur problemet, jo duke shikuar mbrapa. Ne duam të bëjmë progres në rajon, Kosovë, Serbi, në aspektin ekonomik. Të rinjtë duan punë.
Njerëzit e Kosovës meritojnë të kenë vende të reja të punës dhe të ardhme të ndritshme. Çfarë dua të bëjë unë që të merremi me të gjitha këto çështje të bllokuara që kanë ndikim ekonomik të zgjidhen. Duam të shtyjmë të dy qeveritë dhe liderët në Kosovë dhe Serbi – dhe tu themi që të shikojnë njerëzit, filloni me hapjen e vendeve të punës. Për këtë jam këtu dhe nuk të kyçem në debatin politik, sepse kjo na lë mbrapa”, tha ai për mediat kosovare.
