Tuesday, May 17, 2022
21.5 C
Tirana

Rasti i kryebashkiakut të Bulqizës/ Artan Hoxha: Si më ra videoja në dorë

Gazetari investigativ Artan Hoxha ka shpjeguar se si i “ra në dorë” videoja, ku sipas tij shfaqet kryetari i Bashkisë së Bulqizës, Lefter Alla duke konsumuar kokainë.

“Prej 4 muajsh e kam pasur këtë video. Video është xhiruar pasi ka marrë mandatin. Nga momenti i parë që kam rënë në dijeni, kam qenë duke u marrë me diçka tjetër në Bulqizë. Me botën e krimit në mineralin e kromit. Duke bërë këto kontakte, rastësisht rashë në këtë video”, deklaroi Artan Hoxha në emisionin “Opinion”.

Por sa i sigurt është gazetari që personi në video, është Lefter Alla?

“Kam bërë verifikimet, në fillim rashë në dijeni të faktit që aty përdoret lëndë narkotike nga këta funksionarë. Ky është një problem i madh në disa qytete të tjera.

Duke hulumtuar personalitetin e tij nuk më përputhej, nuk ka ngarkesë penale apo kriminale, ka mbaruar shkollën për mësues edukim fizik, ka qenë mësues fizkulture.

Nga gjithë ajo video unë kam shkëputur vetëm një moment, unë nxora atë pasazh që mendoj unë se ka vlerë. Unë qëllimisht kam hequr time code për të mos zbuluar, orën datën, lokalin, unë nuk dua të identifikoj qytetarë që mund të kenë pasoja nga kjo video sepse mund të akuzohen që kanë publikuar këtë video.

Ajo është kamerë sigurie, filmimi që kam unë ka një zë.

Kamera vetë është me rezolucion të lartë, lokali vetë nuk ka interes të ta japë këtë video.

Një person me celular ka filmuar mbi ekranin e kompjuterit, këtë gjë mund ta kenë bërë shumë njerëz. Sot nuk i identifikojmë dot që është burimi”, tha gazetari.

Po ashtu ai ka treguar edhe kërcënimet që ka marrë: “Erdhën njerëz që kontaktuan. Presion dhe marrëveshje është kërkuar pa fund. Ofruan para dhe kërcënime, edhe nga bota politike edhe nga bota e nëndheshme”.

- Reklama -

Më shumë nga kategoria




Të fundit

Pompeo nderohet me titullin “Honoris Causa”, përfaqësuesit e Berishës: Erdhi në këmbim të lekëve

Vizita e ish-Sekretarit të Trump, ka trazuar ujërat brenda "Foltores" së drejtuar nga ish-kryeministri Sali Berisha, ku kanë shpërthyer në akuza ndaj tij. Një ditë...

Vlorë/ Shkrumbohet mjeti në pronësi të një 58-vjeçari

Një automjet tip “Mercedes-Benz” është shkrumbuar plotësisht nga flakët rreth orës 02:35, në lagjen “Hajro Çakërri” në Vlorë. Burimet zyrtare të policisë bëjnë me dije...

Mot me diell, temperatura deri në 31 gradë celsius për sot

Vendi ynë gjatë paradites do të jetë në dominimin e kushteve të qëndrueshme atmosferike, duke bërë që kthjellimet të jenë mbizotëruese. Por në orët e...

Strategjia detare 2035

NGA GJENERAL PIRO AHMETAJ Shqipëria jonë është e bekuar me mbi 450 km vijë bregdetare, ndërsa hapësira e interesave detare (det i brendshëm dhe territorial)...

Deklaratat për SPAK/ Hajdari: Politika të qëndrojë larg drejtësisë, “peshqit e mëdhenj” janë në rrjetë

Në daljet e fundit për mediat, kryeministri Rama është shprehur se po pret me padurim që SPAK-u të godasë nga të katër anët. Duket...