Pas ndërrimit të jetës së babait, Gesjadës dhe Stejsit do t’i ndodhte një tjetër tragjedi. Nëna i braktisi, duke i lënë në mëshirë të fatit dhe krejt të vetëm. Dy të miturit jetonin në fshatin Trashovicë në Gramsh së bashku me gjyshin e sëmurë. I cili në apelin e bërë muaj më parë nga “Fundjavë Ndryshe” bëri një lutje me zërin që i dridhej nga dëshpërimi.
“Lutem që t’i gjeni një strehë që të futen këta fëmijë, sepse unë ika në mos sot, nesër.”
Edhe pse fatkeqësisht ai ndërroi jetë pak kohë më parë, amaneti i tij u plotësua. “Fundjavë Ndryshe” bëri me shtëpi të re Gesajdën dhe Stejsin, të cilët tashmë kanë shpresë se ëndrrat e tyre do të realizohen. “Fundjavë Ndryshe” do të jetë gjithmonë pranë të rinjve, për t’i asistuar me ndihmë për çdo gjë që ata kanë nevojë.
Histori të tilla tregojnë se të gjithë bashkë, mund t’ia dalim të ndihmojmë ata që janë më fatkeq. Faleminderit çdo bamirësi!
Bamirësia nuk të varfëron!
