Kryesore

FOTO/ Mblidhet sot Kuvendi, policia blindon Parlamentin

               Publikuar në : 09:38 - 13/03/19 S.N

Policia ka blinduar sot Kuvendin, teksa pritet të mblidhet në orën 10:00 për të diskutuar mbi rendin e ditës. Opozita e bashkuar vijon betejën e saj për qeveri tranzitore, por nuk ka njoftuar për asnjë protestë sot, ndërsa po përgatitet për protestën e 16 marsit.

E megjithatë, Policia e Shtetit ka shtuar masat për sigurinë, teksa ka vendosur mëngjesin e sotëm një kordon sigurie para godinës së Parlamentit.

Në seancën e sotme priten të betohen edhe deputetët e rinj të opozitës, pasi Parlamenti do shtohet sot me pesë deputetë të cilët sipas Rregullores, do të betohen në institucionin ligjvënës për të marrë më pas mandatin e deputetit.

Deputetët që do të betohen janë; Elda Hoti e LSI-së, Erdiola Braha e LSI-së, Edlira Hysenit e LSI-së, ndërsa  nga Partia Demokratike janë Lefter Maliqi dhe Majlinda Halilaj.

Kthehu
WhatsApp Denonco ne TT