Presidenti i Serbisë, Aleksandar Vuçiç është shprehur se në vijim Serbia do të miratojë një vendim për t’i ardhur në ndihmë familjeve të prekura nga tërmeti në Shqipëri.
Gjatë fjalës së tij në mbledhjen për mini-shengenin, Vuçiç tha se qeveria e Serbisë do të jetë një ndër donatorët më të rëndësishëm që do i vij në ndihmë Shqipërisë.
Vuçiç deklaroi se iniciativa për mini-shengenin ka rëndësi për gjithë rajonin e Ballkanit.
“Qeveria e Serbisë do marrë të hënën një vendim për të ndihmuar me një vlerë domethënënëse parash Shqipërinë dhe besoj se do jemi një nga 2- 3 apo 4 donatorët më të mëdhenj për Durrësin, Thumanën e zonat e tjera në Shqipëri.
Ajo që ka rëndësi është që diskutimet tona janë për intensifikimin e marrëdhënieve, kjo nënkupton që njësitë tona të emergjencës së shpëtimit do bashkëpunojnë më afër kur një tragjedi të godasë një nga vendet dhe autoritetet e vendeve respektive që goditen ndoshta nga tërmeti apo përmbytjet do diskutohet më tej…si do zhvillojmë tregtinë më tej, më duket sikur kemi marr vendime të rëndësishme.
Iniciativa ka për gjithë rajonin rëndësi se nënkupton që ne do vijojmë të ndërtojmë lehtësojmë procedura, do kemi më shumë korsi në këto pika kalimi kufitare, më shumë hapësira për kamionët e maunet që mos rrinë më 5-6 orë, të zbatojmë marrëveshjen e operatorëve të autorizuar, do nënshkruajmë me Shqipërinë qoftë në mënyrë dypalëshe, që kompanitë të kenë mundësi t’i kalojnë më lehtë kamionët. Kjo do përmirësojë standardet e jetës së qytetarëve tanë, do përpiqemi të krijojmë një treg të përbashkët pune që nënkupton një nivel më të lartë tërheqje për investuesit e huaj, pra që ata qe duan te investojnë thjesht të aplikojnë e të marrin leje të përhershme pune në Shqipëri e njëjta gjë për shqiptarët në Maqedoninë e Veriut apo Serbi”, tha ai.
