Pandemia prej muajsh ka shkaktuar bilance tragjike në vendin tonë. Shumë artistë kanë humbur betejën me virusin vdekjeprurës.
Këngëtari i njohur i muzikës shkodrane dhe asaj popullore Bujar Qamili është infektuar me COVID-19. Për shkak të gjendjes së rënduar shëndetësore, ai është shtruar me urgjencë në Spitalin Infektiv në Tiranë.
Këngëtarit aq të dashur të skenës shqiptare, i kishin nisur simptomat e Covid prej disa ditësh, dhe gjendja i ishte përkeqësuar shumë shpejt, duke bërë që të ishte e nevojshme trajtimi i tij në spital.
Qamili tashmë ndodhet në terapi intesive, dhe po merr ndihmën mjekësore nga mjekët dhe infermierët e Spitalit Infektiv, i njohur që prej pandemisë si COVID 1.
