E diel, 20 Qershor, 2021
18.5 C
Tirana

“Autori i veshur si polic qëlloi nga afër”, si u plagos i ‘forti’ i Vlorës

Në orët e vona të mbrëmjes të së shtunës, iu bë një atentat në hyrje të shtëpisë në Kaninë të Vlorës 38-vjeçarit Edison Begaj. Ai mori 4 plumba dhe pak para mesnatës u paraqit për ndihmë mjekësore në spitalin e Vlorës, ku ndodhet jashtë rrezikut për jetën.

Duket se errësira e madhe i ka shpëtuar jetën Begajt, pasi plumbat e kanë kapur në pjesën e këmbëve. Autori ka qenë në këmbë, dhe ka pritur deri sa 38-vjeçari të kthehej në banesën e tij për ta qëlluar me pistoletë. Tashmë janë publikuar pamjet nga atentati.

Edisoni ka qenë duke hapur portën e banesës së tij, dhe në makinë ka qenë me dy fëmijët. Një person i maskuar dhe i kamufluar me rroba policie, ka shtënë me armë ndaj Edison Begaj, i cili ka mbetur i plagosur. Blutë e Vlorës ende nuk ka rënë në gjurmët e autorit.

I plagosuri, subjekt i OFL-së

Edison Begaj nuk është një emër i panjohur për drejtësinë. Ai është subjekt i OFL-së dhe i dënuar e kapur disa herë me drogë përgjatë viteve. Pista kryesore mbetet ajo e konflikteve të 38-vjeçarit, për shkak të aktivitetit të tij kriminal.

Begaj në dëshminë e parë të dhënë para hetuesve, ka deklaruar se nuk ka asnjë lloj dyshimi mbi autorin apo autorët e kësaj ngjarje. Edison Begaj është një personazh i njohur për policinë dhe drejtësinë shqiptare. Ai ka qenë arrestuar më 20 shkurt të vitit 2008, në kuadër të një operacioni të gjerë anti-drogë ku u sekuestruan edhe 284 kilogram hashash dhe një arsenal armësh zjarri, si automatik e granata.

Lidhur me këtë operacion, Gjykata e Apelit të Krimeve të Rënda Tiranë e ka dënuar atë me 7 vite e 6 muaj burg, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e municioneve luftarake”. Po ashtu edhe në vitin 2015, Begaj u kap me 50 kg lëndë narkotike të llojit marijuanë. Ndërkohë më 18 maj të vitit të shkuar, OFL i dërgoi Edison Begajt kërkesën me shkrim për vetëdeklarimin e burimeve të pasurisë së tij.

Lexo edhe :   Atentatori i lirë, familjarët kërkojnë lirimin e të fortit të Vlorës
- Reklama -

Më shumë nga kategoria




Të fundit

OBSH e shpall të përfunduar shpërthimin e Ebolës në Afrikën Perëndimore

Organizata Botërore e Shëndetësisë (OBSH) tha se shpërthimi i virusit të Ebolës, që nisi në shkurt në Guinea, ka përfunduar. Ky virus vdekjeprurës, që përcillet...

Levandovski mban gjallë shpresat e Polonisë, Spanja komplikon kualifikimin

Përfundon ndeshja e grupit C, ku Spanja ka komplikuar kualifikimin, pasi Polonia i ka surprizuar, duke i rrëmbyer një pikë. Sfida u mbyll në...

Gjermani, gjenden dy piktura të shekullit XVII në një kosh plehrash

Policia gjermane po kërkon për informacion për dy piktura origjinale nga artistë evropianë të shekullit të 17, të cilat përfunduan në një kosh plehrash...

Kapacitetet e Kosovës për vaksinim në masë të popullsisë kundër COVID-19

Në Kosovë gjatë kësaj jave filloj vaksinimi në masë i qytetarëve kundër COVID-19, me synimin që të vaksinohen deri 320 qytetarë në muaj. Zyrtarë...

Mbi 1 milion vaksina/ Mbërrijnë në Rinas edhe 50 mijë doza të Coronavac

Mbrëmjen e sotme, kanë mbërritur në aeroportin ''Nënë Tereza'', 50 mijë doza të vaksinës kineze Coronavac. Lajmin e ka bërë të ditur kryeministri Edi...