SPAK ka ndërmarrë një tjetër operacion masiv anti-korrupsion, duke vënë në pranga 10 persona për abuzimet me tenderat. Në këta dhjetë persona, bën pjesë edhe kryebashkiaku i Lushnjes, Fatos Tushe.
Personat e arrestuar janë vartës (bashkëpunëtorë) të Tushes dhe biznesmenë që dyshohen se kanë abuzuar me fondet publike.
Në këto momente vazhdon bastisja e zyrave të Bashkisë Lushnje, mes tyre Drejtoria e Urbanistikës, aty ku dyshohet se ka materiale që do të provojnë akuzën e SPAK, atë të përfshirjës në korrupsion pasiv të zyrtarëve publikë. Ndërkaq, FNSH e RENEA po kryejnë kontrolle edhe në Kadastrën e Lushnjës, dhe në Ndërmarrjen e Pasurive Publike.
Zyrtarët e ndaluar bashkë me Tushen akuzohen se kanë kryer veprën penale të “Korrupsionit pasiv” dhe abuzime me tenderat e Bashkisë, në lidhje me pastrimin e qytetit.
Më poshtë është lista e 10 të arrestuarve nga FNSH dhe RENEA, në ambientet e Bashkisë së Lushnjes me urdhër të Prokurorisë së Posaçme Anti-Korrupsion (SPAK).
Mes tyre është edhe Flamur Peqini, ish-kreu i Inspektoratit të Ndërtimit në Lushnje. Peqini kishte rolin e organizatorit në dhënien e lejeve të paligjshme për ndërtime pa leje.
Me të njëjtën akuzë në pranga është vënë edhe kryetari i Bashkisë së Lushnjes, Fatos Tushe.
LISTA
Flamur Peqini ( Ish kreu i Inspektoratit të Ndërtimit në Lushnje)
Xhemal Hasko
Blerta Turuku
Ani Simoni
Andri Mushaj
Margarita Gjermeni
Bujar Murati
Ibrahim Lami
Xhemal Hasko
Gazment Çela
Paralajmërimi nga kreu i SPAK
Një ditë më parë, në një konferencë në kuadër të luftës kundër korrupsionit, kreu i SPAK, Arben Kraja paralajmëroi se do të ketë arrestime të zyrtarëve të pushtetit vendor dhe lokal që abuzojnë me fondet publike. Duket se ky ishte një paralajmërim i këtij operacioni, të zhvilluar këtë të martë në Lushnje.
