Policia greke po heton zhdukjen e një të riu shqiptar, pas denoncimit të bërë nga vëllai i tij, Agustin Ndoj.
Martin Ndoj, 26-vjeç, i cili jetonte dhe punonte në Frangokastello Sfakia, u zhduk në gusht të vitit 2017, por pranë autoriteteve u raportua gati një vit e gjysmë më vonë. Vëllai i tij që bëri denoncimin mendon se i riu është rrëmbyer dhe vrarë. Ditën e fundit që kishte folur me Martinin, i kishte thënë se ishte i mërzitur për shkak se ishte grindur me shokun e tij të dhomës për shkak të një borxhi.
Sipas Agustin Ndoj, vëllai i kishte dhënë shokut të tij një shumë të konsiderueshme parash dhe ai nuk ia kishte kthyer kurrë. Ky ishte komunikimi i fundit me të, pasi telefoni u fik. Kështu Agustini ka telefonuar në fund të shtatorit shokun e tij të dhomës, pasi nuk mund ta kontaktonte Martinin. Shoku i dhomës i tha që vëllai i tij ishte arrestuar në Rethymnon.
Agustini kontaktoi një kushëri në Rethymnon, i cili shkoi në polici dhe e pyeti nëse Martin Ndoj ishte arrestuar. Por askush nuk rezultonte i arrestuar nën atë emër. Ndërkohë, shoku i dhomës insistoi që vëllai i tij ishte arrestuar me një emër të rremë. Kur u pyetën se ku ishin dokumentet e vëllait të tij, shoku i dhomës tha se ai nuk e di për shkak se nuk kishte qenë me të dy muaj e fundit para se të zhdukej.
Më vonë, megjithatë, shoku i dhomës i tha Agustinit se dokumentet, pasaportën, kartën e identitetit dhe karta e bankës ishin hedhur në plehra sepse ai kishte frikë se policia do ta arrestonte për përfshirjen e tij në çështjen që e çoi Martinin tek i dyshuari arrestuar.
