E diel, 24 Tetor, 2021
19.5 C
Tirana

18 mln euro detyrime, qeveria s’ka shlyer gjyqet e humbura në Strasburg

Qeveria ka grumbulluar 18 milionë euro detyrime të pashlyera për gjyqet e humbura në Strasburg përgjatë periudhës 2015-2019. Të dhënat janë bërë publike nga një aduit i kontrollit të lartë të shtetit mbi avokaturën e shtetit.

Sipas KLSH, deri në fund të vitit të kaluar evidentohen 4 vendime të Gjykatës Evropiane të të drejtave të njeriut ende të pa ekzekutuara, të cilat kanë një faturë totale prej gati 18 milionë euro.

Pjesa dërrmuese e kësaj fature i përket vetëm një vendimi. Është ai i gjyqit Xhuvi Sharxhi dhe të tjerë kundër Shqipërisë për prishjen e pallatit tek uji i ftohtë në Vlorë, ku rezultonte pronar edhe vjehërri I kryetarit të partisë demokratike Lulzim Basha.

Për prishjen e këtij pallati qeveria shqiptare u dënua me vendim të formës së prerë për 13.4 milionë euro nga gjykata e Strasburgut. Sipas KLSH kjo faturë ende nuk është paguar nga buxheti i shtetit.

Veç gjyqit për prishjen e pallatit tek uji i ftohtë në Vlorë, qeveria është dënuar edhe për tre çështje të tjera nga Strasburgu. Këto tre gjyqe kanë një faturë totale prej 5 milionë euro dhe ende nuk janë shlyer nga buxheti I shtetit.
KLSH i ka kërkuar qeverisë që të respektojë vendimet e gjykatës së Strasburgut, pasi në të kundërt fatura e tyre për buxhetin mund të rritet më tej për shkak të interesave.

Sipas departamentit të shtetit gjatë viteve të fundit Shqipëria ka humbur mbi 50 milionë euro nga dënimet në gjykatën e Strasburgut dhe pjesa dërrmuese e kësaj fature lidhet me vendimet për pronat./TCH

- Reklama -

Më shumë nga kategoria




Të fundit

Çfarë PD-je mund të sjellë Foltorja?

Nga: Ergys Mërtiri Mbështetësit e z. Berisha pretendojnë se Foltorja po sjell debatin dhe reflektimin që i ka munguar PD-së duke i kontribuar hapjes dhe...

Sherr mes afganëve në Shëngjin, 26-vjeçarja plagos bashkëjetuesin 

Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja...

Serbia ndalon boksierët nga Kosova, Shqipëria braktis botërorin

Ekipi i boksit të Kosovës nuk është lejuar të hyjë në Serbi, për të marrë pjesë në Kampionatin Botëror të boksit që mbahet në...

Futbollisti torturohet dhe grabitet në prani të partneres

Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se...

Basha: Zotit mund t’i kem hyrë në hak, por jo Berishës!

Kryedemokrati Basha është treguar i hapur për mediat, ndërsa ka komentuar vendimin e tij për të përjashtuar Sali Berishën. Ai tha se nuk i...