Numri i vdekjeve të shkaktuar nga koronavirusi kinez po pëson një rritje të frikshme nga dita në ditë.
Vetëm në 24 orët e fundit janë regjistruar edhe 122 viktima të tjera duke e çuar në 1,491 numrin total të vdekjeve. Deri më tani janë raportuar më shumë se 65 mijë raste me koronavirus.
Nga këto raste: 7,099 persona janë shëruar nga koronavirusi; 1,491 persona kanë vdekur, ndërsa 56,657 persona janë aktualisht të infektuar. Sipas Worldometer, 10,608 nga personat e infektuar ndodhen në gjendje të rëndë shëndetësore.
