Partizani ka gabuar në ndeshjen e parë Kupës së Shqipërisë në përballjen e Luftëtarin. Ndeshja u zhvillua në “Elbasan Arena” dhe gjirokastritët kanë fituar me përmbysje ndeshjen që përfundoi 1-2. “Të Kuqtë” kaluan në pjesën e parë në avantazh me Telushin, ndërsa në të dytën golat e Filit dhe Hoxhës përmbysën gjithçka.
Partizani ishte qartësisht dominues në pjesën e parë. E nisi në mënyrë perfekte ndeshjen duke u pozicionuar në gjysmë-fushën e Luftëtarit. Duhet theksuar se era ishte prezent dhe ndikoi shumë në lojën ajër.
Goli do vijë 3 minuta para fundit të pjesës së parë, Bruno Telushi lëshon një predhë nga jashtë zone që shtang portierin dhe 1-0.
Në pjesën e dytë skuadra gjirokastrite përfiton të gjejë golin e barazimit me një goditje standarde që harkohet në zonë dhe topi i del Realdo Filit, i cili shënon nga pranë portës duke mposhtur portierin Hoxha.
Në limitet e kohës së rregullt është Hoxha që shfrytëzon më së miri një top të lënë para porte nga një goditje këndi dhe mposht portierin e Partizanit, i cili u bë protagonist me një pritje shpëtimtare.
Ndërkohë që një minutë para golit Belica u bë hero duke larguar me kokë topin që po shkonte në rrjetë. Gjithsesi këto episode nuk e ndalën Luftëtarin për të marrë një fitore të rëndësishme, që i bën ta presin ndeshjen e kthimit në kusht komode.
