Jahti “Atik Bey” i biznesmenit turk që u gjet i braktisur në fillim të shtatorit 12 milje larg bregdetit të Shëngjinit, i është kthyer pronarit të tij.
Jahti kishte mbetur me muaj të tëra në ujërat shqiptare pas zhdukjes së kapitenit turk, Sezgin Yavuz në fund të verës. Hetimet për gjetjen e tij vijojnë prej muajsh tashmë, ndërsa prokuroria shqiptare ka dërguar disa letër porosi në disa shtete për çështjen e zhdukjes së 31-vjeçarit.
Një javë para se të zhdukej, Yavuz çoi në Shqipëri pronarin e jahtit, Nedim Akyüz, ndërsa më pas u nis për në Greqi. Jahti u gjet nga peshkatarët, ndërsa gjatë kontrollit policor u gjetën dokumentet e kapitenit 31-vjeçar, Sezgin Yavuz, i cili deri para pak kohësh mendohej të ishte edhe pronari i tij.
