Aktualitet

Kina i tregon “targën” Nasës: Satelit të rinj, transferim të dhënash 10 GB/s


               Publikuar në : 09:07 - 17/01/20 Gentjan Progni

Kina padyshim është një nga vendet lidere në botë për sa i përket teknologjisë së komunikimit. Përpos kostos së ulët të prodhimit të pajisjeve, Kina po konkurron ndjeshëm edhe me shpikjet teknologjike.

I tillë është rasti edhe i satelit të sapo lëshuar në hapësirë. Një satelit që tashmë do t’u mundësojmë milionë kinezeve dhe kompanive të tyre që të transferojnë deri në 10 Gb të dhëna për sekondë. Një inovacion në fushën e komunikimit.

Sipas lajmit të Televizionit Qendror të Kinës (ÇTV), sateliti në fjalë është lëshuar në orbitë nga Qendra e Lëshimit të Sateliteve Jiuquan në juglindje të vendit me anë të raketës Kuaizhou-1A.

Kompania që mban patentën për satelitin është Galaxy Space. Synimi i tyre është që sateliti përdoret në vendet ku hasen vështirësi të komunikimit si oqeane, trena të shpejtë dhe avionë. Pritet që ky satelitë të pasohet dhe nga shumë të tjerë të këtij kalibri.

Kina e cila u përfshi në “garën hapësinore” pas SHBA-së dhe Rusisë, me anë të projekteve ambicioze si satelitë të perceptimit të largët, pozicionimit global, vëzhgimit, ndërtimin e një stacioni të përhershëm hapësinor në orbitë, eksplorime në Hënë, eksplorime në Mars dhe Jupiter synon që në vitin 2045 të jetë “liderja e hapësirës”.


Kthehu
WhatsApp Denonco ne TT