Prestigjozja gjermane, Die Welt, ka publikuar së fundmi një artikull, sipas të cilit, disa ditë më parë, Erdogan ka kërkuar fundosjen e një anije greke në Mesdhe, por pa shkaktuar viktima.
Sipas Die Welt, gjeneralët turq e refuzuan këtë kërkesë, por një prej tyre sugjeroi që të sulmohet një aeroplan grek lufte në mënyrë që piloti të mund të shpëtonte duke përdorur ulësen e emergjencës.
Artikulli i publikuar quhet “Lufta e Erdoganit sipas llogaritjeve” dhe kjo kërkesë e tij ka ardhur pikërisht disa ditë më parë, ku tensionet në Mesdhe duket se kanë kapur kulmin. Kujtojmë se këto tensione nisën nga vetë Presidenti turk, me daljen e anijeve luftarake në Mesdheun Lindor për gaz dhe naftë.
