Departamenti Amerikan i Thesarit ka njoftuar nisjen e një operacioni të quajtur “Fureur économique”, i cili përfshin një seri të re sanksionesh të drejtuara ndaj Iranit dhe Hezbollahut, në një periudhë tensioni të shtuar dhe pasigurie për rifillimin e negociatave midis Shteteve të Bashkuara dhe Iranit.
Sipas Zyrës së Kontrollit të Aseteve të Huaja (OFAC), SHBA-të ka intensifikuar presionin mbi rrjetet e kontrabandës së naftës iraniane, duke sanksionuar më shumë se dy duzina individësh, kompani dhe anije që dyshohet se janë pjesë e një rrjeti të madh të lidhur me Mohammad Hossein Chamkhani, djali i ish-zyrtarit të lartë të sigurisë iraniane Ali Shamkhani. Sipas autoriteteve amerikane, ky rrjet ka qenë i përfshirë në transportimin dhe shitjen e naftës iraniane në mënyrë të paligjshme për të gjeneruar të ardhura për regjimin iranian dhe struktura të lidhura me të.
Sekretari amerikan i Thesarit, Scott Bessent, ka deklaruar se këto masa synojnë elitat e regjimit iranian që përfitojnë nga aktivitetet ilegale financiare dhe se qëllimi i Shteteve të Bashkuara nuk është vetëm ndëshkimi, por ndryshimi i sjelljes së këtyre rrjeteve dhe ndërprerja e burimeve të tyre financiare.
Sekretari amerikan i Thesarit, Scott Bessent, ka deklaruar se këto masa synojnë elitat e regjimit iranian që përfitojnë nga aktivitetet ilegale financiare dhe se qëllimi i Shteteve të Bashkuara nuk është vetëm ndëshkimi, por ndryshimi i sjelljes së këtyre rrjeteve dhe ndërprerja e burimeve të tyre financiare.
Në të njëjtën kohë, autoritetet amerikane kanë bërë të ditur se, në bashkëpunim me shërbimet e sigurisë së brendshme, është goditur edhe një rrjet tjetër i gjerë financimi që lidh Iranin me Hezbollahun, përmes kontrabandës së naftës dhe arit. Në këtë kuadër është sanksionuar edhe Sayed Naiemaei Badreddine Moussavi, financier iranian i lidhur me Hezbollahun, si dhe disa kompani të tjera që dyshohet se kanë marrë pjesë në pastrimin e parave dhe organizimin e transaksioneve të paligjshme.
Sipas hetimeve amerikane, ky rrjet ka funksionuar përmes një sistemi shkëmbimi ku nafta iraniane është dërguar në Venezuelë, ndërsa në këmbim është marrë ar, i cili më pas është transportuar sërish drejt Iranit për të financuar Forcën Quds të Gardës Revolucionare dhe Hezbollahun. Ky ar, sipas pretendimeve të SHBA-ve, është lëvizur më pas përmes rrjeteve të fshehta dhe tregtarëve të ndryshëm, përfshirë dërgesa në Turqi dhe vende të tjera për shitje.
Autoritetet amerikane theksojnë se në këtë rrjet janë përdorur kompani fiktive në disa vende, përfshirë Emiratet e Bashkuara Arabe, Indinë dhe Ishujt Marshall, si dhe anije të ashtuquajtura “fantazmë” që kanë shërbyer për transportimin e naftës në mënyrë të fshehtë, duke shmangur kontrollin ndërkombëtar dhe sanksionet ekzistuese.
Sanksionet e vendosura përfshijnë ngrirjen e të gjitha pasurive që ndodhen në Shtetet e Bashkuara, ndalimin e çdo lloj transaksioni me individë dhe kompani amerikane, si dhe zgjerimin e masave ndëshkuese ndaj çdo kompanie ndërkombëtare që bashkëpunon me këto rrjete. SHBA-të ka paralajmëruar gjithashtu përdorimin e sanksioneve dytësore ndaj institucioneve financiare që ndihmojnë ose lehtësojnë këto operacione.
