E diel, 28 Nëntor, 2021
13.5 C
Tirana

Yuri Kim del me mesazhin e fuqishëm: Raporti Shqipëri-SHBA është i palëkundur

Marrëdhëniet Shqipëri-SHBA janë risjellë sërish në fokus sot nga ambasadorja amerikane Yuri Kim. Ajo ka qenë e pranishme në ekspozitën “Në emër të Amerikës”, ku gjatë fjalës së saj, ka cekur marrëdhënien e ngushtë mes dy palëve.

Ambasadorja kujtoi periudhën e diktaturës, ku vendi u detyrua të izolohej dhe ambasada e SHBA-së të mbyllej. Në të njëjtën kohë, Yuri Kim nënvizoi se çfarëdo që të ndodhë, Shqipëria dhe Amerika do t’i ketë marrëdhëniet e palëkundura.

Diplomatja amerikane shtoi më tej se demokracia që kemi sot, mund të mos jetë e përsosur, por është fituar me gjak e duhet ruajtur.

“Sikurse ju e dini, historia mes SHBA-së dhe Shqipërisë është unike. Besoj se të gjithë jeni në dijeni për kohën e vështirë, ku detyruan ambasadën tonë të mbyllej dhe popullin shqiptar të izolohej.

Ky vit shënoi edhe 30-vjetorin e vendosjes së marrëdhënieve diplomatike mes dy vendeve tona. Besoj se të gjithë jeni në dijeni, për fillimin e marrëdhënieve. Në kohën kur po binte Perandoria Otomane, shtetet donin ta ndanin Shqipërinë mes veti.

Që në fakt ndihem krenare që ishte presidenti ynë Willson, që tha jo se Shqipëria është komb që meriton të jetë e pavarur. SHBA-të nuk janë lëkundur kurrë nga ajo pozitë. Ju jeni partnerët tanë. Pavarësisht se çfarë mund të ndodhë brenda apo jashtë Shqipërisë, kjo pozitë nuk ka për të ndryshuar.

Pas përfundimit të Luftës së Dytë Botërore, një mision vëzhguesish erdhën në Tiranë për të rifilluar marrëdhëniet diplomatike. Por qeveria komuniste i sulmoi ata dhe u larguan në nëntor të vitit 1946. Diktatura komuniste filloi të ushtronte kontrollin e saj, duke mbyllur kufijtë dhe ndërtuar bunkerë të panevojshëm për të luftuar armikun imagjinar. Ky është edhe thelbi i kësaj ekspozite të sotme.

Lexo edhe :   Roli i Amerikës si garanci për suksesin e Reformës në Drejtësi

Komunistët donin ta mbyllnin vendin fizikisht dhe shpirtërisht. Me qindra persona filluan të persekutoheshin, me persona që kishin parë se çfarë ishte bota jashtë. Muajin e kaluar pata mundësinë të shihja burgun e Spaçit. Është historia edhe e dinjitetit dhe qëndresës.

Lexo edhe :   Roli i Amerikës si garanci për suksesin e Reformës në Drejtësi

Është e rëndësishme të theksojmë se kjo është histori e gjatë. Ju mund të jeni persona që jeni prekur nga ajo periudhë. Prandaj është e rëndësishme të kujtojmë të gjithë këta njerëz, tmerret që kanë kaluar, që patën guximin ta rrezikonin jetën. Demokracia mund të mos jetë e përsosur, por ajo është blerë përmes gjakut dhe djersës. Është një gjë e çmuar dhe duhet ta mbrojmë. Jam e kënaqur që ndodhem këtu”, u shpreh Kim në fjalën e saj.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...