Këshilli Bashkiak i Tiranës ka vendosur ditën e sotme se 10 godina në Institutin e Kamzës do të shemben pasi paraqesin rrezik për njerëzit që strehohen atje.
Bëhet fjalë për 8 godina që janë zënë nga familjarë gjatë viteve të tranzicionit si dhe 2 godina të tjera ku strehohen studentë.
Kryetari i Bashkisë së Tiranës, Erion Veliaj, sqaroi se këto familje që strehohen në këto 8 godina do të marrin bonus qiraje.
“Bëhet fjalë për godina të super-amortizuara, të ndërtuara nga vetë studentët me punë vullnetare. Pra dikush vinte për Inxhinieri, ose për Letërsi, apo në rastin atje, vinte për Hortikultorë apo për Veterinari, dhe ndërtonte vetë edhe konviktin. Kështu që i njëjti fat me shumë ndërtesa silikate dhe parafabrikate me punë vullnetare në Tiranë, është ideja e tyre. Kështu që ja ku është edhe prova që nuk po diskriminojmë njëri, një palë ose një tjetër, por shohim amortizimin e ndërtesës. Dhe në Institut Bujqësor të dhjeta janë të amortizuara, nuk ka nevojë të marrim rrezik fare. Për familjarët në 8 godina do trajtohen me bonusin e qirasë.
Ndërkohë për dy konviktet studentore kam dhënë porosi që të bëhet i plotë rimbursimi, duke qenë se nuk ofrojmë këtë garanci dhe këtë siguri në godinat ekzistuese. Për dy konviktet studentore kam dhënë porosi që të bëhet i plotë rimbursimi, duke qenë se nuk ofrojmë këtë garanci dhe këtë siguri në godinat ekzistuese”, tha ai.
