Kreu i Bashkisë Tiranë, Erion Veliaj, ka shprehur vlerësime ndaj kryedemokratit Basha, pasi largoi ish-kryeministrin Berishën nga Partia Demokratike.
Këtë qëndrim e shprehu në emisinin “Breaking” në Top News. “Duhet vlerësuar. Lulzim Basha mori një vendim shumë të guximshëm, edhe duhet vlerësuar le të themi më në fund që disa karakteristika të një lideri që merr vendime të rëndësishme, sidomos me vendimin që mori për të larguar Sali Berishën nga partia. Meriton respekt. Edhe kundërshtarit duhet t’ia thuash. Lulzim Basha meriton respekt”, tha Veliaj ndër të tjera.
Sot, kreu i PD-së Lulzim Basha ka shpërndarë një pjesë nga fjala e tij dje në Kuvend, e cila duket si një mesazh për ish-kryeministrin Sali Berisha në 77 vjetorin e lindjes. “Fundi i njëjtë për këdo, që vendos para interesat personale”, thuhet në mesazhin e Bashës, i cili ka nënvizuar se PD-ja ka vendosur të ecë përpara, drejt ndryshimit.
