Presidenca ka reaguar menjëherë pas deklaratës së ministres së Mbrojtjes, Olta Xhaçka, teksa iu përgjigj letrës së Ilir Metës, i cili ngriti alarmin për një rrezik të mundshëm nga një tërmet apokaliptik.
Zëdhënësi Tedi Blushi, përmes një postimi në rrjetet sociale, risjell në kujtesë shkrimet e publikuara në mediat ndërkombëtare dhe ato kombëtare.
“Papagajtë nuk kanë nevojë për fakte dhe as për argumente, ata vetëm përsërisin veten çdo herë. Për ata që kanë dëgjuar sot “zëdhënësen” e re në Shqipëri të z.Tselentis, po u rikujtojmë shkrimet e publikuara në mediat ndërkombëtare dhe kombëtare që i gjeni në linkun më poshtë. Ndërsa për ligjin “Për Mbrojtjen Civile” bën mirë të jetë e informuar se është dekretuar para se të përfundojë afati”, shkruan Blushi.
Kujtojmë që Xhaçka u shpreh se ligji “Për Mbrojtjen Civile” nuk është dekretuar ende nga presidenti, mirëpo kjo deklaratë është hedhur poshtë nga Blushi, i cili i kërkoi që të jetë më e informuar.
