Arkimend Lushaj, i njohur si “Stresi” do të përballet në Gjykatë me akuzat e Prokurorisë. Dosja e tij ka shkuar në Gjykatën e Tiranës, ku do akuzohet për “armëmbajtje pa leje” dhe “trafik të lëndëve narkotike”. Prokuroria ka mbyllur hetimet, ku ka disa përgjime që janë bërë ndaj Arkimend Lushajt.
Dosja
“Stresi” u arrestua më 17 tetor 2018, pas një përgjimi të Prokurorisë së Krimeve të Rënda në lidhje me grupin Bajri.
Ai ishte përgjuar teksa kishte thënë se i kishte mashtruar forcat “Shqiponja”, pasi kishte hedhur armën në momentin kur ishin afruar efektivë në afërsi të shkollës “Partizani”.
Pas këtij përgjimi, në momentin ku i ekzekutohej kjo masë, policia i gjeti në hotel edhe një armë tjetër.
