Në mbyllje të protestës kreu i opozitës, Lulzim Basha mbajti fjalimin e fundit në selinë e Partisë Demokratike. Basha u shpreh se kjo ishte protesta më e madhe në historinë e Shqipërisë, që do ti jepte fund tiranisë së Edi Ramës.
“Me ne do të lindë liri e re, Demokraci e Re. Me këtë protestë më të madhe të historisë kombëtare, e ndërtuam rrugën, horizontin e shpresës i cili do të kalojë vetëm përmes zgjedhjeve të lira dhe legjitime. Vëllezër dhe motra, sot në protestën e tretë kombëtare keni vulosur në mënyrë të pakapërcyeshme largimin e Edi Ramës si kusht të panegociueshëm, për zgjedhje të lira dhe të ndershëm.
Ata u munduan të shpërndajnë këtë protestë me lajme të rreme dhe makinerinë e poshtër të propagandës që ushqehet e paratë që u vidhen shqiptarëve dhe të kriminelëve. Nuk ia doli dot, ne me të gjithë sfidën e motit ia dolëm të mbanim sot protestën më të madhe të historisë kombëtare. Për ti shkuar deri në fund betejës për të rrëzuar nga pushteti këtë qeveri të krimit.
Le ta dijë se asnjë veprim i kundërligjshëm, hedhja e gazit apo arrestimet nuk kanë për të ndikuar në ndalimin e protestës që do të sjellë fundin e Edi Ramës. Përgjigja e sotme përmes bashkimit më të madh për një kauzë jetike si liria e demokracia do të vazhdojë ditë e natë. Sjelljes prej pushtuesi ndaj popullit të tij, Rama dhe klika e tij kriminale do të marrë përgjigjen e duhur nga çdo vend ku ndodhen shqiptarët. Jemi në rrugën e duhur për çlirimin e vendi nga kjo klikë kriminale.
Ne do të bëjmë të mundur që çdo sakrificë e këtyre betejave, çdo sakrificë e çdo qytetari shqiptarë të kujtohet me krenari si themeli i Shqipërisë së vërtetë evropiane.
Le ti marrim me vete gjithçka përjetuam sot për ti shkuar deri në fund, për tu treguar fëmijëve tanë se natën kur vendosej fati i Shqipërisë dhe fundi i tiranisë ne u çuan, u bashkuam, protestuam dhe fituam. Sovrani foli sot, sovrani vendosi se shumica e Shqipërisë së sakrificës, së dënuar, përjashtuar dhe gjobitur do të marrë fatin në dorën e saj përballë Shqipërisë së vogël të inkriminuar të Edi Ramës”, u shpreh Rama.
